بعد طرحي للجزء الأول من سلسلة تجاربي من أول الحمل حتى النفاس..الذي أتمنى انه أفاد الجميع..
سأدخل عالم مابعد النفاس..عالم الأمومة الحقيقية ..والمشاعر المختلطة ..تلك البطن التي كنت تمسحين عليها لتشعري جنينك بالأمان ..اختفت ..
والان طفلك بين ذراعيك وامامك حياتك بيتك وزوجك الذي يتلهف اليك بشوق..
بعد الاربعين كثيييير من الحريم يروحو اما يقصو او يصبغوا كنوع من التغييير وهذا التغيير ينعكس على نفسيتك انت..
لكن بالامانه هل اهتميت بنفسك صح في النفاس..أقصد من لهومات وغسولات ..وهذه النقطة أهم بكثير من التغيير الخارجي..
التزمي صح بنفاسك وتغذي عدل ولاتقولي مابي اسمن ..؟؟
اسألي كل وحدة سبق وولدت متى متنت ..هل في النفاس ولا بعد النفاس..؟؟
طبعا بعد النفاس..
لأنك محتاجة غذاء يقويك ويقوي ظهرك ..
الحلبة كثير منا ينزعج منها بسبب ريحتها ..أنا معاكم بهالنقطة لكن فايدتها تنوزن بالذهب ..أنا ماشربتها وندمت لأن الام الظهر بعد النفاس ماترحم..
انتبهي تطيحي بفخ الشك..أنا مو مظبوطة ..أنا خربانة ..
اذا التزمت صح بالاساسيات كوني واثقة بنفسك..وهذه الثقة بتنعكس على زوجك ..
نجي هنا للعلاقة الخاصة..
الوحدة لما ترجع بيتها متخيلة انها بترجع لحياتها السابقة ..لا حبيباتي الحين معاك طفل يبغاك معاه بكل وقت..وزوجك متخيل انك مشتاقة له وتبغين العلاقة..((أغلب الرجال تفكيرهم كذا ان المرأة بعد النفاستكون مشتاقة للرجل وهذا مو كلامي هذا كلام استشارية زوجية))ويتفاجأ بخوف زوجته من العلاقة..((بسبب ماسمعته عن الام أثناء العلاقة الاولى بعد النفاس وبسبب خوفها انها تكون خربانه والزوج يحس بهالشي))ويتفاجأ بهذ الطفل؟؟؟ كل وقته يبكي كل وقته يبي يرضع ..ويصاب بالاحباط..فيبتعد قليلا ..
وهنا تكمن الحلقة المفرغة ..شوق الزوج ...خوف الزوجة من العلاقة ...أحباط كل من الزوج والزوجة ..ابتعاد كل منهم عن الاخر ..وجود الطفل الذي يساهم بحدوث فجوة بين الزوجين..
اكسري حاجز الخوف ..صارحية واقترحي علية أن يستخدم ..مسهلات للعلاقة((مزلق)) ..وتظاهري بانك مبسوطة برجوعك له وانكم مع بعض..وحسسيه انك مشتاقة له..((صدقيني اذا أحس الزوج برغبتك فيه بينسى يلاحظ التغيير فيك ..هذا اذاكان هناك تغيير فانت اذا التزمت ببرنامج جيد بالنفاس صدقيني ماراح يحس بشي..))
..نصيحة ذهبية ..((بعد حدوث العلاقة والتي قد يصاحبها بعض الالم ..بسيط ..انتبهي واياك تلمحي مجرد تلميح انك تسالي زوجك هل لاحضت شي متغير ))
كذا بتفتحي على نفسك أفاق وتساؤلات انت في غنى عنها..
الحين انت في بيتك وتوقعي يزورك بعض الحريم ..اللي ماقدرو يزوروك في نفاسك..طبعا لما كنتي نفاس اكيد كان عندكم شغاله استغلي هالوضع وخليها تعملك معجنات وتلف لك سبموسة واي شي ثاني وخذية معاك لبيتك تحسبا للضيوف..
واذا كنت تقدري تستاجري خدامة بالساعات مايمنع كل راس شهر تجيبينها تنظف البيت تنظيف عميق ويبقى لك التنظيف السطحي..
توقعي أن يكون طفلك من النوع اللي يسهر بالليل وينام بالنهار ..استغلي هالنقطة لصالحك ..اطبخي غداك وخلصي غسيلك وكويك بحيث لو راحت عليك نومة الصبح يدوب تقومي تسخني الاكل وبس ماتنضغطتي لأن الطفل تجييه ساعات بكاء بدون سبب..ومايكون يمديك تسوي شي ..فجهزي امورك من بدري..
نرجع لأمورك انت ..كيف تزيدي ثقتك بنفسك....طبعا مثل ما كتبت تغيير الشكل الخارجي يحسسك انك امرأة جديدة
مافي مانع تعملي حمام مغربي من ثاني أسبوع من نفاسك مع مراعاة عدم الجلوس في مغطس..واستمري بالحمام المغربي الى بعد الأربعين لمدة شهرين على الاقل اسبوعيا ..عشان السواد والكلف يروح وأنا عملت كذا وراح الحمدلله
خذي مستحضرات للعناية ببشرة الوجة واليدين ..واهتمي ببشرة وجهك
استمري بعمل حمام زيت على شعرك بعد الاربعين لفترة لما تحسي شعرك صار زين ورجعت حيويته..
بعد شهرين من الولادة ..ابداي شوفي حياتك تابعي مع اخصائية تغذية وحاولي تنزلي الكيلوغرامات اللي زادت من وزنك ولاتهملي هالشي بالذات اذا انت ترضعي الطفل صناعي لانك مابتجوعي مثل المرضع..
وبالنسبة للمرضع حاولي تكثري سوائل وخضار سبحان الله بعد الاربعين تكون المرضع نفسها مفتوحة للأكل واذا تغافلتي هالشي مابتوعي الاوانت زايدة فوق اللي زدتيه وزن كبييير..
والمشي روووعه للتضييق..اسألو كل وحدة تمارس الرياضة هل تحس بفرق نعم لان كل عضلات المهبل متصلة بعضلات الفخذ والمشي يشد عضلات الفخذ وبالتالي يساهم بشد عضلات المهبل..
الزبدة اذا اهتميت بنفسك وبشكلك بيزييد ثقتك بنفسك وبتنعكس هذه الثقة على زوجك..
هذا اللي يحضرني ..
الرئيسية 
البوابة 
