الخُرج : يصنع من الخيش او الصوف او من شوالات البلاستيك واقرب مثال للخُرج الميزان لانو عندو كفتين وده بيوضع على (السرج) بتاع الحمار يعني بتشيل فيهو اغراض بالجهتين وغالبا حاجات السوق.
السرج : يصنع من الخشب ويوضع على ظهر الحمار او الحصان يعني مقعد للشخص الراكب على هذه الدواب ويتكون من (صافتين) و ( عكفتين).
الصافة: خشبة مستوية مفلطحة وديل فى السرج بيكونن اتنين واحدى فى الجنب الايمن والتانية فى على الجنب الايسر للحمار او الحصان.
العكفة: ايضا من الخشب وشكلها متل الشكل ( ^ ) ودى تثبت واحدى من قدام على الصافتين والتانية من الخلف والاسم عكفة جاي من معكوف او ملويِ.
اللور: ده من جزع النخلة وبتعمل زى الكبرى لامن يكون فى جدول وقاطعو درب عشان الناس تعدي بالساهل وايضا عشان البهايم ما تكسر التقنت والموية تروح ساكت.
الاشميق : الالياف الموجودة بين جريد النخل ويصنع منه الحبال ( حبل اشميق) امانه ماهو قوي.
الكرنوف او الكعرنوف: قعر جريدة النخل وهو مايساعد على تسلق النخلة.
( الخـــرج ) ويصنــع ايضا من الجلـــــد لجلــــب الماء , وايضا يصنع من الشـــعر صوف البهايم ودا طبعا لـــزوم البكش والزينة .
أبو قجيجة ذكر انو ثوب وهو ايضا الشعر فى مقدمة الراس يسمى قجة ولانو الناس زمان تكون حلاقتم على الصفر كانت البنات تتغنى (انا حبت ابقجيجة اريت ابصلعةطاير )
قمبــــــور . بعد الحلاقة على الصفر يترك جزء بسيط من الشعر اما فى مقدمة الراس أو فى وسطه.
مــدغـلـــب .ســـــــمين ,يقول ليك الجنا دا مدغلب .
ممحــــــوق . كــــسلان
التــــيبار . ويصـــنع من الفخار لتصب عليه الماء وهو اكبر من الزيروالزير اكبر من القلـــة.
لـــقاى . وهو الاناء الذى يوضع تحت الزير لحفظ الماء
الدحـــلوب . اناء من الفخار يوضع عليه العجين للتخمير قبل العواسة .
مرحــــاكة . تصنع من الحجر وتستعمل لطحن العيش .
المشــــرع . المكان الذى ترســـــو عليه المركب
العروض . هو مايقدم لكل زائـــــر اوالضيف (عدم العروض جــــفا )
القراعة : هي عملية سقي الزراعة والبيقوم بالعملية دي بسموه قراع
السِعدة: نبات او نوع من النجيل ناعم الملمس وبه فائدة غذائية كبيرة للبهائم مدر لللبن
ابيت / الرفض
أجي / غير معقول او اداة تعجب
بوش / فتت الفول
تبش / نوع من الخضروات يشبه البطيخ يؤكل مع الليمون والشطه
تمبوش / الشيء الصغير او القصير
جقلب / غير رايه
جهجهه / امور ما واضحه
تنشنه / جايه من الكلمه الانجليزيه tension اي الشخص المتوتر
جوبك / سبب فوضى او عمل جوطه
جوطه / ازعاج
حبابك / اي مرحب اهلا بيك ( حبابك عشره )
حنس / للترجي او الطلب بالحاح
دبرس / اصيب باحباط
دعاش / المطر الخفيف
دفق / اي سكب يقال دفقت الملاح اي سكبته
دقس / غفل او ما انتبه او تورط
رتينه / مصباح تقليدي
شبال / نوع من الرقصات الشعبيه
عديل / للتعبير عن الاتجاه او الصفه يقال ( امشي عديل ) يعني امشي في اتجاه مستقيم الى الامام .. او ( دا زول عديييل ) اي زول مستقيم ما عندو لولوه
كركعوب اي الكبير في السن ( زي هوبس كدا )
القاطوع: غرفة صغيرة ملحقة بغرفة كبيرة لا منفذ لها الا من خلال الغرفة الكبيرة
الدونكا: المطبخ
السام: الحائط
الكبد: الباب
الكشر: المفتاح
الدقل: القفل
الارتيق: ضل الضحى
الكبيق: القله
كبديق: الغطاء
الجر: الزير
المنقد: الكانون
كارديق: الة لجر الاوساخ
الكاديق: إناء اللبن
القسيبة: إناء من السعف او الطين لحفظ الحبوب
الشربوق: كوز الماء
اللسبيق: القش الناشف
الكريقة: الراكوبة
متيق: مقطوع
محيق: ضيق
باسيق: شبكة لحمل القش
العشميق: ليف النخل
المداديق: عمود من خشب لدق العيش
سمبرتو: شتلة النخل من دون تصفيح
البوغه: رى الزرع الجديد للمرة الاولى
يوت: يوميا
داجَّي: دائما
تقنت: حافة الجدول
كمتر: بقايا جذور النبات
مَرّتِق: جسر او حاجز صغير على جدول
القـــدوم : من ادوات النجــارة
الخوســـــة : الســـــكين
الصـــــور: ورق الجريد ويستعمل لعرش البيت
الدكــــــــة : مكان عالى يجلسو عليه , وايضا مكان تجمع الغنم للراعى
التـــــــقاء : ا لمكان الذى يجمع فيه العيش , او القطن
الضـــرا : المكان الذى يحجب عن الاعين
التقابه : مكان اشعال النار فى الخلاوى
جزاك الله خير أخي الشايابي ومشكور كتير على هذا الإبداع
الشايابى
31-12-2010, 12:21 AM
الكول : نوع من الحشيش يخمر وينشف ويستعملوه اهلنا نس غرب السودان اضرضروه فى الملاح اكان تقلية ولاروب
الكجيك : السمك الناشف
3-الموليته : شبيه بالملوخية وبتقوم فى الخلاء والجروف
4-القدوقدو : نوع من التبمباك
5- النمتى : النمل الصغار
6- ابو السعن : نوع من انواع الطيور اكبر من السمبريه ليه حاقوم
7- حمار البنات : حشرة صغيرة تشبه الحمار
8- ورد الحمير : نوع من انواع الورد وليها سيقان تشبه الخيزران
9-الشعفوفه : المطرة
10- ام سيسى : فار صغير الحجم
11- ميعه :ارض طينية لينه ومايعه
12-الجمام ؛ حفرة تحفر باليد وتنبع منها الموية
13-التمك : البطيخ
14-ود المطر : قوس قزح
15-الناكوسى :الشى المعكوس (بالعكس )
16-البنبون : ورق البصل الاخضر
17-الجضل : قعر الشجرة
18- السفروق : من فروع الشجر ويستمل للصيد
19- الطندب : نوع من انواع الشجر وله ثمرة لونها برتقالى وتاكل
20-الهجليج : شجرة اللوب
21- القنـــــطور : الكومة من القش
22- القحف : باقى الفخار
23اللبده : تصنع من القماش وتحشى بالشعر ويسرج بها الحمار يوضع عليها السرج
24- الكدنكه : طورية صغيرة تستمل لحش القش من الزراعة
25- القُرار = لحمة دهينة قريبة من السليت توضع على الحصحاص المولع بالجمر عند قبائل الهدندوة
26-- ابو النوم = باقي الاوساخ المتراكمة في الجيب
27- ام قريفة = حشرة صغية سوداء اللون تظهر في موسم الخريف، تجدها بكثرة تحت الطوب واى حاجة فيها فرقة تدخل تحته ليس مؤذية ومن شدة ما كتيرة في الخريف ممكن تلقاه جوه الاكل وتكثر في مناطق شرق السودان خاصة المناطق الزراعية، وعادي تقرشه زى البصل.
28- الجولاب = الاسهال الشديد الناتج من اكل البطيخ
29- الكُرناكة = نواة اللالوب تسلق وتؤكل هكذا رغم مرارتها
29- ام كركر = ثمار اشجار في جبال النوبة واشبه في شكلها بالليمون رغم اني اكلتها لكن لا اتذكر طعمها
30- الشاروقة = قطعة خيش يبرد بها وينظف بطن الفرن البلدي .
31- الكراى = الكراى هو حيوان من فصيلة الذئاب لونه اسود ويقال انه المرفعين عندو كرعين اتنين اقصر من التانيات ، والكراى معروف بكسلا خاصة في جناين الموز بالسواقي
32- التمنة = التمنة المقصودة المعنى التاني وهو مركز الشرطة وسمعتها عند قبائل الحوازمة بجبال النوبة ،،