اليكم نص الحوار الاتى.......
ألو
ايوة ازيك يا بوب أخبارك اية ؟
الحمد لله تمام .. هو اية يابنى اللى بيحصل عندكم فى مصر ده ؟! انا مش فاهم اى حاجة !!
لو شرحتلك الوضع مش هاتفهم اى حاجة برضة ..
ياعم بس احكيلى انا بسمع كل شوية الاخوان والفلول والعسكر والثوار وكلام غريب كدا اية ده بقى ؟؟
برضو .. ماشى ياسيدى مادام مصر شوف .. احنا هنا فى مصر بقينا منقسمين ل 4 طوائف تقريبا .. اخوان .. سلفيين .. فلول ـ ثوار .
اه .. طب مين مع مين ومين ضد مين ؟
الاخوان والثوار ضد الفلول .
تمام
والثوار والفلول ضد الاخوان !
؟!!!
والاخوان والفلول ضد الثوار
طب والسلفين ؟
مع الكل وضد الكل ..
اه .. دانتم مجانين بقى ! هو اية اللى حصل لكم بالضبط احكيلى القصة من الاول عشان افهم .
ماشى .. بس ياعم يوم 26 يناير 2011 الناس كان فاض بيها من الفساد والقمع والاستبداد و .... و.... فنزلوا الشارع وفضلوا معتصمين 18 يوم عشان مبارك يمشى ..
عظيم ياعنى ثورة شعبية ..
الثوار والاخوان قالوا كدة ..
والفلول ؟
قالوا مؤامرة خارجية ..
والسلفين ؟
قالوا الخروج على الحاكم حرام ولازم نطبق الشريعة !
تمام وبعدين ؟؟
بعد كدة مبارك تنحى عن الحكم والجيش أعلن انه مسك الحكم بقيادة المشير طنطاوى اللى هو وزير دفاع مبارك ..
انقلاب عسكرى ياعنى !
الثوار قالوا كدة .. وفضلوا يهتفوا يسقط حكم العسكر
والفلول ؟
قالوا الجيش حمى الثورة ! واللى بيقولوا يسقط حكم العسكر خونة ومأجورين !
ههههههههههههههه مش كانت مؤامرة ! طب الاخوان قالوا اية ؟
قالوا نفس الكلام .
والسلفيين ؟
قالوا ثورة ولازم نطبق الشريعة !
اية الهبل دة !! ياعنى طنطاوى هو اللى ماسك الحكم بعد الثورة !!
لأ .. هو فضل ماسك سنة ونص وبعد ضغط الثوار راح مسلم السلطة للاخوان بقيادة محمد مرسى !
ااااه .. وصلت .. يا ولاد اللعيبة ! يعنى محمد مرسى بتاع الاخوان اللى مسك دلوقت ؟
لأ ..
اية اللى حصل تانى
فضل يكفر فى الناس وحبس الثوار وقتل منهم ناس والبلد بقت بترقص على الحبل ودة عمال يقول كلام غريب .. راح الثوار والناس والفلول نزلوا الشارع وقضوا 3 ايام و ..... ثورة تانى يعنى ! والاخوان قالوا اية ؟
قالوا الجيش معاهم وهينزل يحمى الشرعية !
هههههههه والفلول ؟
قالوا ثورة شعبية ..
والثوار ؟
نفس الكلام !
طب والسلفيين ؟
قالوا الخروج على الحاكم حرام ولازم نطبق الشريعة !
كمل .. ها واية اللى حصل بعد ال 3 ايام ؟
الجيش شال مرسى وجاب واحد صورة كدة بس بقى هو اللى بيدير البلد ..
انقلاب تانى !!!
الاخوان قالوا كدة .. وفضلوا يهتفوا يسقط حكم العسكر !
هههههههههههههه سبحان الله طب ما هو نفس سيناريو 11 فبراير !! الكلام اختلف لية ؟
طب والسلفيين ؟؟
قالوا ثورة ولازم نطبق الشريعة !
طب والثوار ؟
قالوا طلاسم والغاز غريبة مفيش حد فهيمها وبعدين فضلوا يتخانقوا مع بعض لحد دلوقتى !
ههههههههه جالهم صدمة عصبية ولا اية ؟! وطبعا الفلول قالوا ثورة والجيش حماها واللى بيقول يسقط حكم العسكر خونة ومأجورين صح ؟
اية دة عرفت ازاى ؟
مانا فهمت السيستم ماشى ازاى بقى وطبعا عملوا انتخابات وسلموا السلطة للفلول و صح ؟
لأ .. عملوا انتخابات واستلموها هما هههههههههههههههههه
يا مثبت العقل والدين يارب !! طب والاخوان بيعملوا اية دلوقت ؟
بيقول يسقط حكم العسكر
اه !! طب والثوار ؟
نفس الكلام ..
والفلول ؟
بيقولوا ان الاخوان خونة ومأجورين ..
والثوار ؟
بيقولوا نفس الكلام
نفس الكلام ؟! طب والاخوان بيقولوا اية على الثوار ؟
بيقولوا انهم مع الفلول !
بيقولوا انهم مع الفلول !
اية العبط دة !! طب والفلول بيقوا اية عالثوار ؟
بيقولوا انهم مع الاخوان !!
اية الجنان دة ياعم انت بتشتغلنى على فكرة !
والله زى ما بقولك كدة !
امممم يعنى طنطاوى رجع مسك الحكم تانى .. ابن اللعيبة !!
لأ .. السيسى اللى مسك ..
السيسى ؟؟ مين السيسى دة ؟
دا وزير الدفاع بتاع محمد مرسى
................ تك
الخط اتقفل فى وشى :
الرئيسية 
البوابة 
