Restore Grub Boot Loader

ساعات بنبقى عايزين ننزل وندوز بعد ما نزلنا لينوكس
و بيبقى كل القلق ان اللينوكس يضيع

و ساعات كمان بنيجي نشغل الجهاز ... نلاقيه جاب الـ grub اللي فاتح بقه ده
grub>
و مستني مني اني اكتب حاجة

ان شاء الله الموضوع بتاعنا ده هيحل المشكلة دي و مش هيبقى في أي قلق

مبدئيا بس قبل أي حاجة لازم يكون معاك اسطوانة الRescue

وبالنسبة للناس بتوع الفيدورا فالـRescue بتاعها هو الـ DVD بتاع الانستول العادي

الحالة الأولى:

دلوقتي خلينا نعتبر مثلا اننا كنا منزلين لينوكس و لسه منزلين وندوز حالا
طبعا الطبيعي انك هتلاقي الجهاز فتح على الوندوز على طول و مدالكش أي اختيار
و السبب في كده ان ال Boot Loader بتاع الوندوز مش بيشوف الـ ext2 & ext3 Partitions
فمش بيعرف يقرأ اللينوكس


فاحنا هنعمل الخطوات دي:
1-ندخل الدي في دي و نعمل ريستارت

2-هنلاقيه بيعمل boot من ال DVD .... و لما يجيب اختيارات هنختار Rescue Installed System

3-Choose a Language ---> English

4-Keyboard Type ---> US

5-Setup Networking ---> No

6- if you have more than one distribution of Linux/GNU ... it'll ask you to choose the boot partition

7-Rescue
و هتلاقي كلام كتير كده و في الآخر 3 اختيارات .. skip و continue و واحد تالت مش فاكره بصراحة

المهم اختار Continue

هيقوم جايبلك shell تكتب فيها

اكتب التالي بقى
الرمز:

الكود:

chroot /mnt/sysimage

الرمز:

الكود:

grub-install /dev/sda

الرمز:

الكود:

exit

الرمز:

الكود:

exit

هتلاقي الجهاز رستر ... شيل الاسطوانة بسرعة لحسن يبوت منها تاني
بس و هتلاقي البوت لودر بتاع اللينوكس رجع و هتقدر تختار منه تدخل وندوز ولا فيدورا!


الحالة التانية:
لو جابلي في أي وقت Grub فاتح بقه
grub>

اقوم كاتبله فيه

الرمز:

الكود:

root (sd0,#)

حيث أن # دي عبارة عن رقم البارتشن اللي فيه البوت لودر
الرمز:

الكود:

set

الرمز:

الكود:

setup (sd0)

الرمز:

الكود:

quit