(( اضطراب الشخصية الاعتمادية : ما حك جلدك مثل ظفرك ))
اضطراب الشخصية الاعتمادية (Dependent personality disorder) بيتقال عليها برضه اضطراب الشخصية الواهنة وده نوع من الاضطراب بيخلي الشخص المُصاب بيه مُعتمد بشكل كبير جداً على الناس التانية عشان يقدر يعيش ويحقق احتياجاته النفسية والجسدية. وبيبقى صعب عليه جداً إنه يعتمد على نفسه ويبقى مستقل في قراراته وحياته. وبنقول علي في لغتنا الدارجة “مالوش شخصية” أو “مابيتحملش المسئولية”، وهكذا..
أسباب اضطراب الشخصية الاعتمادية مش معروفة لحد دلوقتي. في شوية دراسات اتعملت بتقول إن بين 55 % و 72% من الأشخاص المعرضين للإصابة بالاضطراب ده نتيجة العامل الوراثي الابم أو الأم.
عامة يعني الإعتمادية أو ممكن يتقال عليها التعلق العاطفي المرضي (codependency) بتخلي العلاقات البشرية مضطربة جداً وبتخلي العلاقة مع الطرف الآخر غير صحية بالمرة من الناحية النفسيه (العلاقات الإعتمادية أو الإتكالية) وبيبقى فيها نوع من أنواع إدمان الطرف الأخر.
في 6 أعراض أساسية لـ اضطراب الشخصية الاعتمادية
ما بيعرفش ياخد أهم قرارات حياته بدون ما يعتمد على الناس التانية اللي حواليه
بيوهم نفسه إنه محتاج نفس الحاجات اللي الناس التانية محتاجاها؛ بدون مبرر منطقي هو بيعوز الحاجات دي ليه.
معندوش رغبة في خلق أو صياغة مطالب معقولة ناحية الأشخاص اللي بيعتمد عليهم
بيحس إنه مش مرتـاح -أو عاجز في بعض الحالات- لما بيبقى لوحده، وده بيبقى نتيجة خوفه المبالغ فيه إنه مايقدرش يعتمد على نفسه
دايماً خايف إن الناس اللي حواليه تسيبه أو تتخلى عنه، وإنه يبقى لوحده فجأة
عنده صعوبة إنه ياخد قراراته اليومية من غير كمية من النصائح والطمأنينة من الناس التانية
في حاجات تانية مصاحبة للإضطراب ده زي الإحساس بالعجز، وانه مش كفء وإنه مش قادر يتحمل وهكذا..
لو تلاتة من الأعراض دي موجودة في شخص واحد، من المُرجح إنه يبقى عنده اضطراب في الشخصية ومحتاج يزور الدكتور.
ومن أعراض الاعتمادية العاطفية:
هتلاقي المريض عنده علاقات كتير درامية أو عميقة يعني وفي نفس الوقت مش مستقرة
ما بيقدرش يبقى لوحده وبيعمل مجهود جبار عشان يتفادى إنه يبقى وحيد
حاسس بملل طول الوقت وعنده فراغ عاطفي ودايماً عايز يحس إن الناس بتحبه.
(( اضطراب الشخصية الحدي : يا ابيض يا أسود ))
اضطراب الشخصية الحدي وفي بعض الأقوال اضطراب الشخصية غير المستقرة عاطفيا أو النمط الحدي حسب المراجعة العاشرة للتصنيف الدولي للأمراض، من أبرز أعراضه المشاعر الاندفاعية في التعبير عن المشاعر وفي العلاقات مع الأشخاص التانية.
اضطراب الشخصية الحدي بيبدأ في مراحل المراهقة، وبيظهر حسب الموقف اللي بيتعرضله الشخص. ومن أهم أعراضه الخوف من إنه يتساب والخوف إنه يبقى مش مهم في حياة اللي حواليه، وده بيليه نوبات غضب وهيجان شديدة حبتين ومش مناسبة للموقف عند الشخص الطبيعي.
في الغالب بتلاقي رأي الشخص المصاب بـاضطراب الشخصية الحدي في الناس اللي حواليه ي أبيض ي إسود، يعني يا يتكلم عنهم بمثالية أو يقعد يشتم فيهم ومعندوش وسط، ومعندوش تحليل منطقي وحيادي لعلاقاته المختلفة. إحباطاته المستمرة نتيجة حكمـه على الناس بشكل مش سليم ممكن جداً توصله لمرحلة إنه يأذي نفسه وكمـان يحاول ينتحر.
أعراض اضطراب الشخصية الحدي
عنده قلق دايماً إنه يتسـاب ويتنسي
المشاعر خارجة عن سيطرته
علاقاته مش متوازنة مع بعض الناس
في حالات متقدمة بيإذي نفسه جسدياً أو نفسياً
مندفع حبتين في ستايل حياته وقراراته
وفي الغالب بيعيش حالات من الاكتئاب أو القلق أو الغضب
أسباب اضطراب الشخصية الحدي
في شوية دراسات بتقول إن في عامل مشترك بينه وبين اضطراب ما بعد الصدمة
كتير أجمعوا إن حدوث صدمة نفسية في حياة الطفل ممكن تبقى سبب رئيسي برضه
تشوهات في الدماغ: شوية دراسات من التصوير العصبي اللي اتعملت لمرضى اضطراب الشخصية الحدية أظهر وجود انحسارات في مناطق في الدماغ مسؤولة عن الظبط والتحكم بردود الأفعال تجاه الصدمات والعواطف.
مستوى الاستروجين في جسم المرأة ليه دور جامد في إظهار أعراض النمط الحدي عند الستات اللي عندهم الاضطراب. طبعاً مستويات الاستروجين دي بتتغير وقت الدورة الشهرية وعشان كدة ده أكتر وقت بيبـان فيه الأعراض.
بعض أنواع (أو أنماط) اضطراب الشخصية الحدي وصفـاته
النمط الاندفاعي: تصرفاته غير متوقعة، مشاكس وعندي، حاسس بفراغ من جواه، بيقلق يخش في علاقة جدية، مزاجه متقلب.
النمط الحدّي: عنده شك في نفسه، حاسس بفراغ من جواه، بيأذي نفسه باستمرار سواء نفسياً أو جسدياً، بيأذي نفسه باستمرار سواء نفسياً أو جسدياً، متهور أحياناً.
من ضمن العلاجات النفسية المتوفرة لاضطراب الشخصية الحدية
العلاج السلوكي الجدلي وده بيركز على مفهوم الذهن، أو التركيز على الإحساس الحالي وبيعلم المريض المهارات اللي تخليه يعرف يسيطر على المشاعر الشديدة، والتقليل من السلوك المدمر لنفسة، والتعامل مع حالات الضيق، وتحسين علاقاته مع الناس. العلاج السلوكي الجدلي تم تصميمه مخصوص عشان اضطراب الشخصية الحدي وأكتر العلاجات فاعلية.
مافيش دوا معين لحد دلوقتي عشان الاضطراب إنمـا الأدوية اللي هايوصفها الدكتور هاتبقى حسب النمط وبتحاول تقلل من الأعراض اللي ناتجة عن الاضطراب مش أكتر، زي مثبتتات المزاج أو مضادات للذهان أو مضادات الاكتئاب أو مضادات القلق أو المهدئات وهكذا..
الرعاية الذاتية: زي ممارسة التمارين الرياضية بانتظام، وتنظيم مواعيد النوم، والنظام الغذائي الكويس، وتقليل الإجهاد الصحي بشكل عام. الرعاية الذاتية لو اتعملت صح هاتساعد إن شاء الله إنها تقلل من الأعراض الشائعة للاضطراب الشخصية الحدي زي تغيرات المزاج، واندفاع السلوك، وهكذا..
(( الشخصية المعادية للمجتمع ))
الشخصية المعادية للمجتمع هي عبارة عن خلطة من اضطرابات شخصية وسلوكية. ولها مسميات تانية زي اضطراب الشخصية المعادية للمجتمع أو اضطراب الشخصية اللا اجتماعية أو الاعتلال النفسي (Psychopathy) أو الاعتلال الاجتماعي. وكل الاسماء دي بتعبر عن حاله الكلكعه اللي موجودة في نوع الاضطراب ده.
أعراض الشخصية المعادية للمجتمع
سلكويات المضطربه بتكون عبارة عن سلوكيات وأفعال بتكررة بشكل مستمر وبتكون خطرة وبتأذي المجتمع وممكن جداً تنتهي انها تدخلهم السجن. زي تدمير الممتلكات العامه المضايقة والإزعاج، السرقة أو أي عمل مخالف للقانون.
وبيكون عندهم رغبه في التعدي علي حقوق الآخرين ووسيلتهم في السلوكيات المضطربه من خلال الكذب و الخداع والمناورة بهدف الربح أو المتعة. زي أنه ياخد الفلوس أو امتيازات ومكاسب جنسية أو اكتساب القوة. ومفيش حاجه تمنعهم أنهم يكذبوا أو انتحال الشخصية أو التنكر.
وساعات بيتصرفوا بشكل مندفع من غير تخطيط مسبق لخطواتهم او عواقب أفعالهم سواء علي نفسهم أو علي اللي حواليهم بس عشان يشبعوا احتياجاتهم.
بالإضافة أنهم بيتصرفوا واكنهم ملهموش دعوه بالناس أو مش بيهتموا أنه بيتعدي علي حقوقهم أو لا وبيتمردوا دايما علي العراف والتقاليد المجتمعية.
البداية في في نوع الاضطراب الشخص المعادي للمجتمع بيبدأ من سن الطفولة. أو المراحل المبكرة من المراهقة، وبيتسمر لحد البلوغ، وبيكمل بعديه.
طرق التشخيص
طرق التشخيص لاضطراب الشخصية بيكون بس من سن 18 عاما فما فوق
و يتم تعريف الاضطرابات اللي بتظهر قبل السن “18” بأنها اضطرابات سلوكية للمراهقين.
مصلا بيميل الأشخاص اللي بيعانوا من النوع الحالي من الاضطرابات للتصرف بعصبية وعدوانية.
وغالبا ما بيدخلوا في صراعات أو خناقات وبيلجأوا كتير للعنف مع كل اللي حواليهم سواء قريب أو غريب .
واستخدامهم للقوة هنا مش بدافع الدفاع عن النفس.
بالإضافة أنه بيسوقوا بتهور شديد أو يسوقوا وهما شاربين خمره او مخدرات وبيكون عدهم إهمال شديد لمن هم مسئولين منهم زي الأبناء .
في مجال العمل بيكونوا غير قادرين علي تحمل المسئولية وبيميلو إنهم يبقو عواطلية حتي لو فيه فرصه عمل متاحة او ترك العمل الحالي.
ماليا بيميلوا أنهم يغرقوا نفسهم في بحر الديون بالإضافة أنهم عندهم لا مبالاة في حال لو تم مواجهتهم بتصرفاتهم اللي بتأذي غيرهم.
غالبا ما بيلوموا اللي حواليهم أو من تغرضو للأذي علي أيدهم علي الوضع اللي وصولوا ليه وبيحالوا يقللوا من مدي خطورة تصرفاتهم الغير سوية ومعندهمش أي نيه للتعويض عن الخسائر .
بينتشر اضطراب الشخصية المعادية للمجتمع أكتر بين الطبقات الاجتماعية – الاقتصادية الفقيرة اللي بيعشيوا المدن الكبيرة. وبيزيد أكتر بين الرجالة أكثر من الستات ولقوا أن حوالي 3% من الرجالة عامة بيعانوا من الإضطراب، في حين إن 1% من الستات بيصابوا بالاضطرابات دي.
مع سن الأربعين بتبدأ حدة الاضطراب – خاصة العنيفة والغير قانونية منها – تخف.
الدراسات الوبائية أثبتت إن احتمال الإصابة بين الأقارب البيولوجيين للمصابين بهذا الاضطراب أكبر من احتمال الإصابة بين عامة السكان.
خطورة الشخصية المعادية للمجتمع
الخطر هنا بيبقي أكبر لما بيكون أحد الآباء ليه ماضي جنائي.
وده بيكون سببه عائلة كبيرة، إنجازات قلقله، طموح متدنّ و ذكاء منخفض، علاقات أسَرِيّة مش مستقرة وصغر سن الأم.
ولقو أن أكتر من 60% من الأولاد اللي بيتعرضوا في طفولتهم لكل الحاجات اللي فاتت بيتم تشخيصهم في سن 32 سنة بأنهم عندهم النوع ده من الاضطراب.
الرئيسية 
البوابة 
