يا أمة العرب أنا مش بخطب ولا بقول موال
بس مش عارف بجد أبدأ كلامى منين
أول كلامى راح أبدأ بالعراق ياااه يا دجله والفرات
يمكن نسينا الوعود والأمريكان أما قالوا حتبقى فيها ديمقراطيه
يااه على الكلام
هى فين يا أمريكان يا فتنه جايه تدمر كل مكان
آدى العراق ونهر جله بيصرخ ومعاه الفرات
ونروح لسوريا
جنة الله فى الارض
ياريت حد يفسرلى ده بقى فيها بركان ولا زلزال والله حرام
مش حأشرح ما هو كل واحد فينا شايف بس اهو بنقول كلام
ونروح لغزه وفلسطين والنار اللى قايده والدمار
وكل مشهد باقى فينا جوه الروح بتصرخ بس فين القرار
انا مش خطيب ولا صاحب قلم ولا أديب
أنا عربي حُر ببكى لجل أخويا وأختى وأمى فى كل بلد عربى شقيق
واللى زاد الطينه بله
أستعمار أسمه داعش بيولد دمار
طب تعالوا نسأل بعضنا ؟؟؟
هى فين قوات التحالف وزحزحوا داعش لفين ؟؟؟
شبرين .ولا خطوه ولا خطوتين
وبقى يرمح فى الطريق سوريا والعراق ما هو ليه الطريقين
يا ناس يا شعب يا أمه العرب
داعش ده هو الأمريكان هو أسرائيل
وسألتكم وجابونى هو سلاحه بيجى منين ؟؟
دى كسر شوكه للعرب صدقونى
ياللا نسأل بعضنا ونفكر أمة العرب رايحه بينا فين ؟
لأمتى ؟؟؟؟
راح نقف حداد على الشهيد اللى راح واللى أتأسر وعلى الطفل اللى مليان جراح
لأمتى راح نبقى نتمتم بالكلام
فلسطين .. غزه ... العراق ... سوريا والله أعلم إيه حيكون
أمتى راح نقف وقفة صدق بجد وأمتى الميعاد ؟؟
شوفوا البلاد
اللى راح واللى ضاع
يا خوفى من نار بكره منعرفش ليها غير رماد
لازم نصحصح
امتى نصرخ ونقول الله أكبر العمر واحد
امتى نداوى الجراح
ونعرف مين حيكون معانا ومين ورانا والله أكبر بتهز الكُل
ويرجع اللى هاجر واللى ترك بلاده ونعمل ذكرى للى راحو
القلب أتملا جراح ونواح
لازم يا عرب نكون أيد واحده
ونعرف بجد مين العدو ومين الحبيب
ونعرف فين هى أيد الخراب اللى دايسه على الزناد
يا أمة العرب
ده مش بيان ولا تعازى
ده صوت عربب حُر بينادى وبيقول
الله أكبر
الرئيسية 
البوابة 
