الوحيدة التي ابكتني

الوحيدة التي ابكتني

خايفة من ايه يا قلبي
اوعي تخافي
بابكي مش موجود
باباكي مين يا روحي
في المعتقل مضرب عن الطعام ..
هيدخل جينس بكره كأطول مضرب عن الطعام
ولا بابا مين يا عيوني
باباكي استشهد في الانتفاضه
انتي ملكيش إخوات صبيان
اوعي تكوني اخت محمد الدره
طب ينفع يبقي باباكي واحد من دول
واخوكي محمد الدره وتخافي
لا متقوليش كده متقوليش خايفة
انت عربية ومش اي عربية دا انت فيلسطينية
الخوف دا من القلوب واحنا قلوبنا عمرانه يا حبيبتي
الخوف دا احساس واحنا احاسيسنا
بالنصر القريب ان شاء الله
يا حبيبتي لسه خايفة
طب بصي لماما كده شايفة بتحميكي ازاي
شايفة ماما اقوي من الحقير دا ازاي
شايفاه منشن عليكي انتي عشان انتي خايفة
ومش قادر ينشن علي ماما لانه ماما مش خايفة
وهو زي الكلب بيشم ريحة الخوف
اوعي تخافي
والنبي يا قلبي اوعي تخافي
متخافيش بقي عشان اختك الصغيرة بتعيط في ايدين ماما
ايه دا هو انتي بتحمي اختك الصغيرة
ايه دا يعني انتي مش خايفة دا انتي بتتاكدي انك بتحمي اختك الصغيرة بينك وبين مامتك
تصدقي انا كنت بحسبك خايفة
يا عيوني تسلم عيونك
يا روحي بارك الله في روحك الطاهرة
طب تصدقي بقي انك طلعتي اجدع مني
تصدقي انا كنت خايف قوي
تصدقي بقي اني عيطت
هو انت مش مستجدعاني ؟؟!!
انا مش عارف اعمل ايه
مش مصدقاني
طب والله انا عيطت لما شوفتك وظنتك خايفة
بتتريقي علي
عارف يا حبيبتي انه العياط نسوانكم في فيلسطين
بيزفوا بيه الشهداء الحق
طب قوليلي اعمل ايه
والنبي متضغطيش علي اكتر
أني اشوفك كده وانا عويل كده بتعب قوي
انتي راجل مني يافلسطينية
طب تجربيني تاني
تديني فرصه تانيه
جربي تنتفضي تاني
وتشوفيني هعمل ايه عشانك
بتقولي ايه
الانتفاضه مستمره
لسه مستمره وانا معرفش
الاسري في السجون مضربين وانا معرفش
الستات في الشوارع مسحولين وانا معرفش
الاطفال في المشافي تعبانين وانا معرفش
كل دا فيكي يا نبض قلبي وأنا معرفش

يارب

» "الإمارات".. الدولة العربية الوحيدة التي قدمت العزاء في "شارون"
» حاملة الطائرات الروسية الوحيدة كوزنيتسوف
» التعافي من المخدرات.. البطولة الوحيدة في قصص الإدمان
» رومانا أحمد المسلمة الوحيدة في إدارة ترامب
» الرئيس هو مربط الفرس والمرجعية الوحيدة في هذه القضايا،