عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: اساسيات الكروشية والدروس التعليمية الإثنين 05 ديسمبر 2016, 7:40 pm
اساسيات الكروشية والدروس التعليمية
الدرس الأول -------------
( تعريف وتاريخ التريكو )
ماهو التريكو؟ Knitting
التريكو هو ببساطة الفن الذى ينتج بإستخدام إبرتين وخيط وبواسطة الإبرتين نقوم بعمل حلقات متداخلة من الخيط لعمل قطعة من التريكو
.................
ماهو تاريخ التريكو؟
_ فى الحقيقة تاريخ التريكو لغز كبير فإلى الأن لم يستطع أحد تحديد الزمن الذى بدأ فيه فن التريكو وكل ماتم التوصل إليه هو بعض القطع البالية المشغولة والمتواجدة الأن فى المتاحف حول العالم
_ فكما هو معروف أن التريكو يشغل من الصوف و الحرير وألياف أخرى تبلى بسرعة عبر الزمن حتى تحت أفضل الظروف وكذلك إبر التريكو لم يتم العثور على شئ يشبه إبر التريكو المتعارف عليها فقديما كان من الممكن إستخدام أى عصا أو أسياخ أو أى شئ يشبه الإبر المدببة
_ كذلك فى القدم كان التريكو يشغل باليد فقط بدون إستخدام إبر كعمل شبك الصيادين وكان يستهلك الكثير من الوقت ولذلك كانوا القدماء يقومون بفك القطعه أكثر من مرة حتى يحصلوا على القياس المناسب وكانوا لا يتخلصون من قطعة التريكو بل يعيدون فكها وإستخدامها مرات ومرات حتى تبلى تماما
_ بالإضافة لكل ماسبق لم يكن عند القدماء ثقافة الإحتفاظ بأشيائهم كذكرى لأولادهم وأحفادهم
_ بسبب كل ماسبق لم يتمكن علماء الأثار من العثور إلى على بعض القطع البالية
_ أيضا كلمة تريكو لم تضاف إلى قواميس اللغة الإنجليزية حتى سنة 1400 ميلادية ولا إلى أى لغة أوروبية قبل عصر النهضة وكذلك الحال فى الشرق الاوسط وأسبانيا وغيرها من دول العالم لذلك يعتبر التريكو فن حديث نسبيا
_ قبل التريكو وحتى الكروشيه كان يوجد فن شبيه بهم يسمى (nalbinding) عبارة عن إبرة خاصة وخيط يستخدمان لعمل عقد متكررة وينتج عنها قطع شبيه بالتريكو ولكن أقل من التريكو فى المطاطية ولكن اقوى وأمتن وأصعب بكثير من التريكو
ده شكل (nalbinding) والإبرة المستخدمة فيه
وفى الصورة التالية أقدم قطعة مكتشفة من هذا الفن وأكتشفت فى مصر سنة300م وهيا عبارة عن جورب وتوجد الأن فى متحف ألبرت وفيكتوريا
وهنا صورة مقربة
وفى الصورة التالية مثال للتداخل بين التريكو وال nalbinding وهيا قطعة بالية موجودة الأن فى جامعة ييل والتى إعتبرها الكثيرون وأدرجت فى كتب الحفر الأثرية كأقدم قطعة تريكو مكتشفة على وجه الأرض والتى عثر عليها فى وادى نهر السند ويعود تاريخها إلى عدة ألاف من السنين
...........
_ بينما أقدم قطعة تريكو حقيقية تكونت بإستخدام إبرتين تريكو هيا الجوارب القبطية والتى إكتشفت فى مصر سنة 1000م _ وجميع هذه الجوارب مصنوعة من القطن وباللونين الأبيض والرمادى حيث لم يكن الصوف يستخدم بعد فى التريكو كما أن الجوارب مشغولة بغرزة الجيرسيه وتحتوى على رسومات وكتابة عربية زخرفية
هذه الجوارب موجودة الأن فى متحف ألبرت وفيكتوريا
_ ومن المفاجئ لى خلال بحثى إكتشافى بأن كل الدلائل تشير إلى أن مكان نشأة التريكو كان فى الشرق الأوسط والعالم العربى وفى مصر بالتحديد حتى فى القطع التى تم العثور عليها فى أسبانيا كانت تحتوى على كلمات عربية زخرفية وأيضا كثير من القطع والوسائد كانت محاكة عليها لفظ الجلالة (الله) ويقول المؤرخون أن أسبانيا فى هذا الوقت كانت محكومة من الشعوب العربية الإسلامية والتى صدرت لها فن التريكو ذات الزخارف العربية الإسلامية
_ ومن الدلائل التى تشير إلى أن التريكو نشأ فى البلاد العربية هيا أن جميع القطع الأثرية مشغولة بالقطن والتى كان من السهل تواجدها فى بلاد العرب على عكس البلاد الأوروبية والتى يصعب الحصول فيها على القطن
_ أيضا أحد الدلائل أن التريكو يشغل من اليمين إلى اليسار كالكتابة العربية وليس العكس
فى الصورة التالية أحد القفازات التى عثر عليها فى ألمانيا عام 1297م
توجد الأن فى متحف ألبرت وفيكتوريا
..........
_ فى عام 1350م ظهرت لوحات ترسم مريم العذراء وهيا تغزل التريكو وتم إكتشافها فى إيطاليا وأخرى تم إكتشافها فى ألمانيا عام 1400م
..........
_ فى عام 1562م تم إكتشاف زوج من الجوارب فى أحد القبور فى أسبانيا تحتوى على نقوشات بالغرزة المقلوبة ولأول مرة وكان الرجال فى هذا الوقت يرتدون هذه الجوارب وفوقها جاكت أو قميص حيث إنتشر التريكو بكثرة وأصبح من الملابس الأساسية فى هذا الوقت
فى هذا الوقت أيضا إنتشرت الجواكت والسترات المصنوعة من الحرير وخيوط الذهب الحقيقية كما فى الصورة التالية عام 1649م
..........
_ فى عام 1600م بدأت تظهر تجارة التريكو المنزلية حيث إنتشرت بكثافة وراجت فى العديد من دول العالم وأصبح الفلاحين والصيادين والمسافرين عبر البلاد للتجارة يمتهنون هذه المهنة وكان من أبرز المنتجات هيا قبعة البلوط المصنوعة من الصوف الملبد
.........
_ وعلى مر السنين أصبح التريكو أقل رواجا وأبح مقتصرا على القطع الفنية دقيقة الصنع وبدأ مزج التطريز بالخرز مع التريكو
.........
_ وحدثت ثورة جديدة فى عالم التريكو بدأت فى منطقتين مع بعض فى العائلة المالكة البريطانية ومع مصممين الأزياء الفرنسيين حيث أصبح التريكو يصنع منه الملابس الرياضية والكاجوال فلأول مرة إرتدى أمير ويلز بلوفر تريكو رياضى وهو يلعب الجولف
_ ثم إبتكرت إلسا شياباريللى سترتها الشهيرة ثلاثية الأبعاد وهو الشئ الوحيد الذى تبقى من إنتاجها الضخم
_ وفى عام 1930 خيم الإكتئاب على العالم مما دعى كثير من الجمعيات الخيرية تحفيز النساء لشغل التريكو كمصدر لكسب المال ومن أشهر هذه الجمعيات جمعية Bohus Stickning الموجودة فى السويد والتى أسستها (إيما جاكوبسون)
وفى الصورة التالية أحد أشهر تصاميمهم والمعروف بإسم الوميض الأزرق
والأن أصبح التريكو مع تقدم التكنولوجيا والبرمجيات ومواقع التواصل الإجتماعى والشبكات أكثر إنتشارا وسهولة وإكتشاف أساليب وتقنيات أكثر تعقيدا مما سبق
ولا نعلم ما يحمله لنا المستقبل أكثر من ذلك فى عالم التريكو
عدل سابقا من قبل ابراهيم الشنطي في الإثنين 05 ديسمبر 2016, 11:16 pm عدل 1 مرات
ابراهيم الشنطي Admin
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الإثنين 05 ديسمبر 2016, 7:41 pm
الدرس(2)
الخيوط المستخدمة فى التريكو
فى الواقع لكى تبدأى أى عمل تريكو فأنتى فى حاجه فقط إلى خيط وإبرة تريكو
ولبساطة هذه المتطلبات فيعتبر التريكو من أسهل الأشغال اليدوية حيث لايحتاج إلى الكثير من المواد
ولكننا فى هذا الدرس سنسرد لكم جميع أنواع الخيوط التى تستخدم فى شغل التريكو وفى الدرس المقبل إن شاء الله سنسرد لكم جميع الأدوات والمستلزمات الخاصة بالتريكو
..........
الخيوط
Knitting yarns
_ الخيوط أنواع كثيرة جدا تختلف حسب 4 نقاط 1- خامة الخيط 2- شكل الخيط 3- سمك الخيط 4- لون الخيط 5- تعبئة الخيط
.............
أولا ** خامة الخيط**
_ منها ماهو مصنوع من خامات طبيعية من النباتات أو الحيوانات
الخامات النباتية
زى القطن cotton
طبعا عندنا فى مصر والحمد لله القطن رخيص جدا مقارنة بباقى دول العالم
ومن الخامات النباتية الطبيعية أيضا
الكتان Linen
وحرير الرايون Rayon
>>>>>>>>
اما الخامات الحيوانية
زى صوف الألبكة Alpaca المصنوع من حيوان الألبكة
وهناك الكشمير cashmere المصنوع من ظهور ماعز الكشمير
وهناك الأنجورا Angora المصنوع من فرو أرانب الأنجورا
وهناك الموهير Mohair المصنوع من ظهور ماعز الأنجورا
وهناك الحرير Silk المصنوع من شرانق الديدان
وهناك الصوف Wool المصنوع من صوف الأغنام
ده طبعا صوف طبيعى وكتير من الناس عندها حساسية منه وهو غالى جدا إحنا عادة بنسمى أى خيط تريكو (صوف) بس طبعا ده مش صحيح
وهناك خامات غير تقليدية زى الخيزران Bamboo و الأيوسل Tencel
>>>>>>>>>
ومنها ماهو مصنوع من خامات صناعية كالنايلون والأكريليك والبوليستر وكلها خامات رخيصة مقارنة بالخامات الطبيعية
وغالبا ماتجد أنواع الخيوط خليط مابين الخامات الطبيعية والصناعية
ثانيا **شكل الخيط**
أشكال الخيوط كثيرة جدا ومتنوعة بحيث يصعب إدراجها جميعها فى الموضوع ولكنى حاولت أن أحصل على معظم الأشكال المتداولة والمتوفرة
فهناك خيوط ناعمة وإنسيابية smooth
وفيه يكون الخيط منتظم على طوله وأيضا يعطى شكلا ناعما فى الشغل وهو من أكثر الأنواع إستخداما وإنتشارا
وهناك خيوط متورمة Bumpy
وهو أيضا خيط ناعم ومنتظم على طول الخيط ولكنه ليس مجدولا بالقدر الكافى كالخيوط الناعمة
وهناك خيوط معقدة Boucle
ويكون شكله عبارة عن خيط رفيع جدا مبروم عليه خيط بشكل متداخل وغير منتظم
وهناك خيوط ذات سمك غير متناسق thick&thin أو homespun look
وهو خيط غير منتظم على طول ه ففى بعض المناطق تجد الخيط غير منسوج بالقدر الكافى فيعطى شكلا غير منتظم وتفاوت فى سمك الخيط
وهناك خيوط ممشطة لتعطى مظهر الموهير Fuzzy أو Brushed
وهيا خيوط يتم تمشيطها لتعطى مظهرا يشبه مظهر الموهير الطبيعى
وهناك خيوط الشنيل أو القطيفة Chenille
خيوط فاخرة وقيمة جدا وعند شغلها تعطى مظهر القطيفة
وهناك خيوط الفرو أو رمش العين Fur أو Eyelash
طبعا النوع ده إنتشر قوى فى الفترة الأخيرة وبقا بيتعمل منه حاجات كتيرة جدا وحاز على إعجاب كثير من المستخدمين والخيط ده ذات شعر واذا كان الشعر قصير ومنتظم فيسمى خيط فرو اما اذا كان الشعر طويل وغير منتظم فيسمى رمش العين
ده خيط الفرو
وده خيط رمش العين
وهناك خيوط ذات عقد Slub أو Nubby
خيوط تحتوى على عقد على مسافات متباعدة
وهناك خيوط شريطية Ribbon
وهيا خيوط عريضه تختلف فى العرض وتكون مميزة فى الشغل
وهناك خيوط السلالم Ladder
خيوط عبارة عن فتلتين بينهم صفوف من الخيط ليشبه فى النهاية السلم وهيا جميلة ومميزة فى الشغل
وهناك خيوط لامعة أو معدنية Metallics Lames or Lure
خيوط صناعية وتستخدم فى السواريهات والأفراح وغالبا مابنشتغلش بيها لوحدها لازم يدخل معاها خيط تانى بس عيبها إنها ناشفة جدا وكمان فى انواع بتبهت وبتسيب لون
وهناك خيوط تحتوى على خرز وترتر Beaded
وهيا جميلة جدا للسوريهات ولها أشكال كتير جدا
وهناك خيوط شبكية open mesh tape
وبرضه النوع ده من الخيوط إنتشر جدا فى الفترة الأخيرة وبيتعمل منه كوفيات وإسكارفات وشنط عبارة عن أدوار مكشكشة
وهناك خيوط الكرات أو البنبونى Pompon
إنتشرت أيضا فى الفترة الأخيرة وهيا عبارة عن خيوط تحتوى على كرات على مسافات متساوية
وهناك خيوط كتييييير جدا أشكال غريبة وجديدة وكل يوم يخترعوا أشكال أستعرض معاكم بعضها
ثالثا **سمك الخيط**
الجزئية دى مهمة جدا لان هيعتمد عليها حاجات كتير بعد كدا
_ الخيوط تختلف حسب سمكها من الرفيع جدا إلى السميك جدا _ وعالميا تنقسم الخيوط حسب سمكها إلى 7 أنواع وجعلوا لها رمز عبارة عن بكرة خيط مكتوب فى وسطها رقم من صفر وحتى 6 حيث يمثل الرقم صفر الخيط الأرفع ويمثل الرقم 6 الخيط الأسمك ولكل سمك إسم وغالبا نجد هذا الرمز والإسم مكتوب على الورقة الملفوف بها الخيط
كما هو موضح فى الجدول التالى
وعلى حسب سمك الخيط يكون مقاس الإبر فكلما زاد سمك الخيط إحتاج إلى إبر أكبر والجدول يوضح ذلك
..... الجدول السابق أيضا يوضح قياس الوحدة لكل سمك ولمن لا يعلم ماذا تعنى قياس الوحدة فهى تعنى بالإنجليزية Tension أو Gauge
ومعناها عندما نقوم بعمل عينة من الخيط المراد معرفة قياس الوحدة له وهذه العينة يجب أن تكون 10×10 سم وبإستخدام الإبر المناسبة لسمك الخيط كما موضح فى الجدول وهذه العينة مشغولة بغرزة الجيرسيه سنحصل فى النهاية على عدد من الغرز×عدد من السطور وهذا الناتج هو قياس الوحدة ويختلف من خيط لأخر حسب سمك الخيط وغالبا أيضا نجد قياس الوحدة مكتوب على الورقة الملفوف بها الخيط
ودائما فى الباترونات يذكر قياس الوحدة للخيط المستخدم فى الباترون ويجب علينا أن نقوم بشغل الموديل بنفس سمك الخيط المطلوب فى الباترون وإلا ستتغير كل التعليمات والمقاسات وسيصبح الموديل غير مظبوط فى المقاس
رابعا **لون الخيط**
الخيوط تختلف أيضا فى ألوانها فمنها خيوط ذات اللون الواحد
وهناك خيوط تحتوى على أكثر من لون فى البكرة الواحدة وتسمى خيوط جنجاه وتكون أغلى ثمنا من الخيوط ذات اللون الواحد
خامسا **تعبئة الخيط**
الخيوط تصل إلينا معبئة فى أربع أشكال
1/ الشكل الأول (الشلة) وتسمى skeins
وهيا من أكثر الأشكال إنتشارا وأحبها إلى الناس وعادة يكون وزنها 100 جرام
>>>>>>>>>
2/ الشكل الثانى (الكرة) وتسمى Ball
وهيا منتشرة أيضا ولها وزنين 50 جرام و100 جرام
>>>>>>>>>
3/ الشكل الثالث ( المخروط) ويسمى Cone
وعادة تكون للخيوط التى تباع بالجرام فيقوم البائع بلف الخيط على المخروط على حسب الوزن المطلوب
>>>>>>>>>
4/ الشكل الرابع ( اللفة) وتسمى Hank
وهذا الشكل قبل إستخدامه يجب لفه على شكل بكرة فإذا قمنا بالعمل به فى هذا الشكل سوف يتشابك الخيط ويصعب فكه لهذا السبب لايفضله الكثيرون مع أنه أرخص ثمنا من الأشكال الأخرى
أخر جزئية هتكلم عنها بالنسبة للخيوط هيا الورقة الملصقة او الملفوفة حول الخيط والتى تحتوى على كل معلومات الخيط
تعرف بإسم Yarn label أو ball band
طبعا كثير مننا لما بنشترى الخيط أول حاجه بنعملها إننا بنرمى الورقة دى هههههههههه مع إنها فى قمة الأهمية لأننا بنعرف من خلالها حاجات كتير جدا
تعالوا بينا نتعرف على المعلومات اللى على الورقة وأهميتها
أكيد كل ورقة بتختلف من نوع للتانى بس معظم المعلومات بتبقا واحدة
والصوة التالية مثال هنشرح عليه
1/ أول حاجه ممكن نشوفها على الورقة هيا الإسم التجارى للخيط وخامة الخيط ومكوناته
2/ وزن البكرة 100 جرام وطول الخيط بالمتر وبالياردة والجزئية دى مهمه علشان نعرف هنجيب قد إيه من الخيط بكرة ولا إتنين وهكذا
3/ قياس الوحدة ومقاس الإبر المطلوبة فى المثال ده جايب قياس الوحدة لو هتشتغلى تريكو وكمان لو هتشتغلى كروشيه وهنا قياس الوحدة للتريكو 21 غرزة×25 سطر بإبر تريكو مقاس 4 مللى وطبعا دى أهم نقطة فى الورقة كلها ومن خلالها بنحدد مقاس الإبر اللى هنشتغل بيه الخيط
4/ سمك الخيط فى المثال الخيط سمكه 3 خفيف زى ما إحنا شايفين الرمز على الورقة
5/ بلد المنشأ تركيا
6/ تعليمات التنظيف والغسيل ودى برضه مهمة
أنا جبتلكم صورة مجمعة لكل الرموز الممكنة لتعليمات الإعتناء بالخيوط
7/ لون الخيط ورقمه (lot أو renk) اللون معروف ولكن حتى لو نفس اللون بيختلف درجاته حسب الصبغه علشان كدا مهم قوى تعرفى رقم اللون ليه؟ لو إنتى شغاله مثلا فى موديل معين والخيط خلص منك ومحتاجه تجيبى خيط بنفس اللون لازم تتأكدى من رقم اللون علشان ميحصلش تفاوت فى اللون أثناء الشغل وللسبب ده لازم تحتفظى بالورقة دى لحد ماتخلصى شغلك
8/ الشركة المنتجة ومعلومات عنها
عدل سابقا من قبل ابراهيم الشنطي في الإثنين 05 ديسمبر 2016, 11:09 pm عدل 1 مرات
ابراهيم الشنطي Admin
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الإثنين 05 ديسمبر 2016, 11:04 pm
الدرس(3)
إبر وأدوات وإكسسوارات التريكو
أولا
(إبر التريكو)
إبر التريكو تختلف على حسب 3 نقاط 1/ نوع الإبرة 2/ خامة الإبرة 3/ مقاس الإبرة
...........
(1) **أنواع إبر التريكو**
إبر التريكو عبارة عن 3 أنواع ومهم نعرف إسم كل نوع بالإنجليزى علشان نفهم الباترون عاوز إبرة نوعها إيه
النوع الأول هو الإبر مدببة الطرف الواحد
Straight أو Pointed needle أو Single pointed needle
وهذا النوع يكون عبارة عن زوج من الإبر المستقيمة وتكون الإبرة مدببة من طرف واحد ومغلقة من الطرف الأخر
وهو من أكثر الأنواع إستخداما
وهذا النوع من الإبر يمكن الشغل عليه أمام وخلف العمل ولا يمكن الشغل عليه دائرى لأن الشغل الدائرى يتطلب أن تكون الإبرة مفتوحة من الناحيتين
والشغل أمام وخلف العمل والشغل الدائرى هنتعرف عليهم بشكل أكبر خلال الدورة إن شاء الله
...
النوع الثانى هو الإبر مدببة الطرفين
Double pointed needle
وهذا النوع يكون مدبب من الطرفين ويأتى فى مجموعة مكونة من 4 أو 5 إبر
وتستخدم هذه الإبر غالبا فى عمل الشرابات والجوانتيات والقبعات
وهذا النوع من الإبر يمكن الشغل عليه أمام وخلف العمل وأيضا دائرى
...
النوع الثالث هو الإبر الدائرية
Circular needle
وهذا النوع يكون عبارة عن قطعة واحدة وتتكون من إبرتين مدببتين ويصل بينهم سلك مرن من النايلون كما هو موضح فى الصورة
وهذا النوع من الإبر يمكن الشغل عليه أمام وخلف العمل وأيضا دائرى
أيضا الإبر الدائرية منها نوعين
النوع الأول وهو الإبرة الثابتة Fixed Circular needle ودى بتبقا قطعه واحدة الابرتين والسلك اللى فى المنتصف كله متصل ولا يمكن فك القطع عن بعضها ودى من عيوبها إن بعض الماركات بيبقا الجزء الواصل بين الإبر والسلك مش إنسيابى فالغرز بتتحشر فى الجزء ده وبتعطل الشغل
أما النوع الثانى وهو الإبرة المتغيرة Interchangeable Circular needle ودى جميلة جدا وبتيجى شنطة أو مجموعه مع بعضها عبارة عن كذا إبرة بكذا مقاس وايضا عدد من الأسلاك بأطوال مختلفة وبتركبى السلك على الإبرة وتقدرى تفكى وتركبى القطع زى ماإنتى عاوزة وبتبقا القطع كلها إنسيابية مع بعضها والشغل عليها قمة السهولة والمتعة بس عيبها الوحيد إنها غاليه جدااا
(2) **خامات إبر التريكو**
كل نوع من أنواع الإبر السابق ذكرها يصنع من أربع خامات فهناك 1/ إبر معدنية Metal 2/ إبر بلاستيك Plastic 3/ إبر خشب Wood 4/ إبر خيزران Bamboo
>>>>>
أولا الإبر المعدنية Metal Needles
وتكون مصنوعة غالبا من الألومنيوم أو النحاس ومنها ماهو مطلى وأخر غير مطلى
دى الإبر الغير مطلية
وأنا بفضل النوع ده لأنها بتبقا سريعة فى الشغل والغرز بتجرى على الإبر دى من نعومتها وإنسيابتها وده ممكن يكون ميزة للمحترفين ولكن برضه ممكن تكون عيب للمبتدئين اللى بيحبوا يشتغلوا براحة وببطئ
..
ودى الإبر المطلية
ونصيحة منى إبتعدوا قدر الإمكان عن الإبر المطلية لأنها أسوأ أنواع الإبر خصوصا الصينى لأنها مع الإستخدام بتقشر وبتنتش الخيط وممكن تقطعه كمان
..............
ثانيا الإبر البلاستيك Plastic needles
من مميزاتها إنها خفيفة الوزن ورخيصة الثمن ولكن من عيوبها إنها بتبوظ بسرعة وبتنكسر وممكن تتأثر بالحرارة وتسيح وهيا مناسبة جدا لتعليم الأطفال
..............
ثالثا الإبر الخشبية Wooden needles
من أفضل الأنواع على الإطلاق فهيا تتميز بنعومتها وقوتها فهيا تبقى طويلا محتفظة برونقها وهيا أغلى ثمنا من باقى الأنواع كما أنها ندرة فى الأسواق
..............
رابعا إبر الخيزران Bamboo needles
وهيا شبيه بالإبر الخشبيه ولكن مصنوعه من نبات الخيزران وتكون أخف وزنا و أرخص ثمنا من الخشبية وهيا مثالية للمبتدئين ولكنها أيضا نادرة فى الأسواق
(3) **مقاس إبر التريكو**
_ مقاس الإبرة معناه قطر الإبرة بالمللى
_ المقاسات المتوفرة من إبر التريكو تتراوح من 2 مللى وحتى 16 مللى
_ طبعا مهم جداااااااااا إننا نعرف مقاس الإبرة اللى بنشتريها وغالبا بيبقا مكتوب على الإبرة مقاسها أو على الغلاف اللى فيه الإبرة ولكن فى بعض الإبر مابيبقاش مكتوب عليها المقاس زى الدائرية ومدببة الطرفين ولذلك لازم يكون معانا المسطرة دى
إسمها مسطرة القياس Needle/Stitch Gauge
وزى ماإنتوا شايفين فى الصورة هيا عبارة عن دواير بأقطار مختلفة وكل دائرة مكتوب قدامها قطرها فلو عندك إبرة مش عارفة مقاسها ممكن تدخليها فى الدواير دى علشان تعرفى مقاسها بالظبط
كمان المسطرة دى مفيدة فى قياس الوحدة = عدد الغرز×عدد السطور فى عينة 10 ×10سم
زى الصورة المسطرة فيها فتحة على شكل زاوية قايمة طولها 10 سم وعرضها 10 سم كل اللى عليكى انك تحطى الفتحة دى على العينة بتاعتك وتعدى عدد الغرز بالعرض× عدد السطور بالطول
..........
فى كمان نقطة أخيرة بالنسبة لمقاس الإبر
الإبر كمان مش بس بتختلف فى قطرها ولكن كمان بتختلف فى أطوالها فكل نوع من الأنواع الثلاثة يحتوى على أطوال مختلفة
ولكن الطول مابيفرقش معانا قوى غير فى حالة الإبر الدائرية لازم نلتزم بطول الإبرة اللى الباترون طالبه وطول الإبر الدائرية بيتقاس من سن الإبرة إلى سن الإبرة المقابلة مرورا بالسلك اللى فى النص
ثانيا
( أدوات التريكو)
هناك أدوات أخرى تكميلية بنستخدمها فى شغل التريكو سأستعرضها معكم بالتفصيل طبعا فيها حاجات ممكن نلاقيها فى الأسواق وأدوات أخرى مش موجودة ممكن إستبدالها بأشياء بسيطة فى متناول إيدينا
(1)
إبرة الضفيرة Cable needle
هيا إبرة بنستخدمها أثناء شغل التريكو اللى بيحتوى على ضفائر وطبعا أثناء الدورة هنعرف إزاى بنستخدمها
وعامة هيا إبرة مفتوحة أو مدببة من الطرفين ومعوجة من المنتصف علشان الغرز ما تقعش أو ماتتزحلقش من عليها ولها ثلاث أشكال بس كلهم نفس الإستخدام يعنى الشكل مش هيفرق فى حاجه
الشكل A بيسمى J-Hook Cable Needle الشكل B بيسمى Bird’s Wing or Bird’s Beak Cable Needle الشكل c بيسمى Regular Cable needle
وكمان بتبقا مصنوعة من نفس الخامات المصنوعة منها إبر التريكو العادية وبينطبق عليها نفس المميزات ونفس العيوب لكل خامة
وغالبا إبرة الضفيرة بتبقى مش متوفرة فى الأسواق وحتى لو موجودة مش هنقدر نجيب كل المقاسات وللسبب ده بستبدلها بإبرة تريكو مدببة الطرفين
................
(2)
ماسك الغرز Stitch holder
بنستخدمه لركن بعض الغرز مؤقتا أثناء الشغل وتأمينها من الإنزلاق
له أشكال ومقاسات كتير
ويمكن إستبدالها بأى مشبك أو حتى بنسة شعر إنتوا وإبداعاتكم بقا يالهلوبات
..............
(3)
علامات الغرز Stitch Markers
بنستخدمها لتعليم منطقة معينة أو غرزة معينة أثناء الشغل
ودى بقا أشكال وألوان لا حصر لها بس عامة بتكون إما حلقة مغلقة بنضعها ونشيلها أثناء الشغل وفيه منها حلقات مفتوحة يمكن وضعها وإزالتها بعد الإنتهاء من العمل سأستعرض معاكم بعضها
وطبعا إحنا ممكن نستغنى عنها ونستبدلها بأى حاجدة زى دبابيس المشبك او أى حاجه نعلم بيها
................
(4)
حامى الأطراف point protector
طبعا إحنا بنقعد نشتغل فى قطعة التريكو أكثر من يوم وكمان على فترات متقطعة على مدار اليوم وساعات لما بتركنى الشغل وترجعى تشتغلى مرة تانية بتلاقى الغرز إتسلتت من على الإبرة علشان كدا عملوا حاجه إسمها حامى الأطراف ودى زى السدادة بنسد بيها طرف الإبرة علشان تحمى الغرز من الإنزلاق
................
(5)
مكوك الخيط Yarn Bobbins
بنستخدمها لو بنشتغل قطعة تريكو فيها تداخل ألوان كتير وأهميتها إنها بتحافظ على الخيوط من التشابك والتداخل أثناء الشغل
...............
(6)
صانعة كرات الصوف pompom makers
عبارة عن ألة بسيطة وبنستخدمها بطريقة معينة لعمل كرة من الصوف تعالوا نشوف الصور وفى طريقة بسيطة بدون حاجه للألة دى هبقا أشرحهالكم بعدين خلال الدورة
(7)
شريط قياس ( مازورة ) Tape measure
هنحتاجها فى أخذ المقاسات ومهم إننا نجيبها بناحيتين الأولى بالسنتيميتر والناحية الأخرى بالإنش لأن فى باترونات كتير مقاساتها بالإنش
..........
(
مقص Scissor
طبعا هنحتاجه أثناء الشغل فيه مقص بيطبق حلو قوى وآمن كمان
..........
(9)
إبرة إيتامين وإبرة منحنية Tapestry & bent needle
هنحتاج إلى إبرة إيتامين وميزتها إنها بعين واسعة وسن غير حاد (علشان كدا محدش يستخدم إبرة الخياطة العادية لانك اولا مش هتعرفى تدخلى خيط التريكو فيها وكمان سنها حاد ممكن ينتش الخيط ويبوظه)
هنستخدمها فى خياطة القطع ببعضها أو خياطة الزراير وكمان التطريز على التريكو وغيرها من المجالات
كمان فيه إبرة مخصصة للتريكو بتبقا منحنية من تحت بتسهل عمليه الخياطة وتوصيل القطع ببعضها
............
(10)
إبرة كروشيه Crochet Hook
هنحتاجها فى لقط الغرز الساقطة أو فى لقط غرز حول الرقبة لشغل الكوله أو لعمل حواف كروشيه وغيرها من الإستخدامات
............
(11)
عداد السطور Row counter
وبنستخدمة لمعرفة إحنا فى السطر الكام كل مانشتغل سطر نظغط على زرار +
...........
(12)
دبابيس خياطة dressmaking pins
هنحتاجها فى تشبيك القطع ببعضها لخياطتها أو لتثبيت القطع بعد الإنتهاء منها على سطح افقى لتظبيط المقاس
............
(13)
نوتة ملاحظات
طبعا كلكم بتقولوا دلوقتى إيه الهيافة دى ما اللاب والأى باد موجودين مش محتاجين النوته بس دى مهمة وانا بحبها لأنك مش ضامنه الجهاز بتاعك ممكن تضيع من عليه كل المعلومات وكمان أثناء الشغل بتحتاجى تدونى ملحوظه أو حاجه هتعمليها علشان ماتنسيهاش أو أى ملاحظة صغيرة ممكن تكتبيها وكمان تبقا مرجع ليكى بعد كدا لو إحتاجتى تعملى نفس الموديل
.............
(14)
فى النهاية هنحتاج شنطة علشان نجمع فيها كل الأدوات السابقة وكمان الخيوط المستخدمة ممكن تستخدمى أى شنطة عندك حتى لو بلاستيك وتنظمى فيها أدواتك
ومهم يالهلوبات إننا نحافظ على نظافة وترتيب أدواتنا علشان ده بيأثر على الراحة النفسية أثناء الشغل وبيسهل عليكى تلاقى الحاجه اللى إنتى عاوزاها بسهولة
كمان أثناء الشغل من المهم إننا نحافظ على نظافة الخيط مش نسيب البكرة مرمية على الأرض شوفوا الأفكار الحلوة دى
ابراهيم الشنطي Admin
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الإثنين 05 ديسمبر 2016, 11:30 pm
الدرس (4)
عقدة البداية
Slip Knot
* لبداية أى عمل تريكو يجب وضع الخيط على إبرة التريكو وغالبا نبدأ بعمل عقدة البداية * عقدة البداية تحسب من ضمن غرز البداية
-------------------------- كيفية عمل عقدة البداية --------------------------
هناك الكثير والكثير من الطرق لعمل عقدة البداية وكل الطرق فى النهاية تؤدى إلى نفس أسلوب عمل عقدة البداية ولهلوبه إختارت لكم أسهل وأوضح الطرق لعمل عقدة البداية
(1) هنأخذ طرف الخيط من البكرة
(2) هنصنع لفة صغيرة من الخيط بحيث يكون طرف الخيط المتصل بالبكرة (ويسمى خيط الشغل) فوق طرف الخيط الحر (ويسمى الذيل)فى التقاطع × كما بالصورة (وليس العكس يعنى ماينفعش الطرف الحر يبقا فوق الطرف المتصل بالبكرة)
(3) هنصنع ثنية صغيرة فى الخيط المتصل بالبكرة
(4) ثم هنلتقط هذه الثنية من داخل اللفة كما فى الصورة وستتكون عندنا لفه جديدة هيا دى عقدة البداية
(5) هندخل إبرة التريكو داخل اللفة الجديدة
(6) هنشد طرفى الخيط بلطف حتى تصبح عقدة البداية محكمة على الإبرة وفى نفس الوقت مانشدش الخيط قوى بحيث تكون العقدة بتتحرك بسهولة على الإبرة
وبكدا نكون عملنا عقدة البداية Slip Knot بسهولة وعلشان تتأكدى إنك عملتيها صح لو شيلتى العقدة من على الإبرة وشديتى طرفى الخيط هتتفك العقدة وكأن شيئا لم يكن
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الإثنين 05 ديسمبر 2016, 11:41 pm
الدرس(5):البداية فى التريكو للمبتدئين casting on
البداية فى التريكو
تعرف بالإنجليزية بإسم
Casting on
* أى عمل تريكو يجب أن يكون له بداية
* والبداية فى التريكو ببساطة تعنى كيف نضع الغرز على إبرة التريكو حتى نبدأ العمل
* هناك طرق كثيرة ومتعدده لبداية التريكو سوف نشرح كل طريقة بالتفصيل إن شاء الله فى المستوى الثانى للمحترفين
* ولكن فى هذا الدرس بإذن الله سوف نشرح طريقة واحدة فقط لبداية التريكو بالنسبة للمبتدئين
* طريقة البداية التى سنشرحها اليوم تسمى
((طريقة الغرزة البسيطة))
وهذه الطريقة لها أكثر من إسم باللغة الإنجليزية فهى تعرف ب
Loop Cast on أو E_Loop Cast on أو Backward loop Cast on أو Wrap Cast on أو E-Wrap Cast on أو Single Cast on أو Thumb Cast on أو Basic Cast on
أنا بعرفكم المصطلحات الإنجليزية مش للعلم بالشئ وخلاص ولكن مهم إنكم تعرفوا المصطلحات دى علشان لو فى باترون طلب إنك تبدأى التريكو بطريقة معينة تبقى عارفة هو يقصد أى طريقة من طرق البدايات
..........
* هذه الطريقة من أبسط وأسرع الطرق لبداية التريكو وهيا مناسبة جدا للمبتدئين اللى أول مرة يشتغلوا تريكو
* ولكن هذه الطريقة ليست الطريقة المثلى للبداية لأن لها عيوب وهيا 1/ رغم سهولة عمل هذه الطريقة إلا أنها تجعل عمل أول سطر صعب نوعا ما 2/ هذه الطريقة تجعل حافة العمل غير متناسقة والغرز فى أول سطر تكون غير متساوية بعكس باقى طرق البداية
**** ولكن مش علشان الطريقة دى ليها عيوب يبقا مانتعلمهاش بالعكس إحنا لازم نتعلمها سواء كنا مبتدئين أو محترفين لأن هذه الطريقة من البداية ليها إستخدامات أخرى غير إنك تبدأى بيها التريكو زى مثلا بنستخدمها فى عمل عروة الزراير وكمان بنستخدمها فى عمل إصبع الجوانتى وكمان بنستخدمها فى تزويد أكثر من غرزة فى وسط الشغل والكلام ده مش وقته ولكن هنشرحه بتفصيل أكثر فى المستوى الثانى للمحترفين بس حبيت أقوله هنا علشان مافيش حد يقول طالما الطريقة دى ليها عيوب يبقا مش هتعلمها
(( خطوات العمل))
(1) هنقوم بعمل عقدة البداية مع ترك حوالى 10 سم فقط من ذيل الخيط أو طرف الخيط الحر كما شرحنا فى الدرس السابق
(2) هنمسك الإبرة وذيل الخيط معا باليد اليمنى وهنمسك الخيط المتصل بالبكرة (ويسمى خيط الشغل) بقبضة اليد اليسرى فيما عدا إصبع الإبهام كما فى الصورة
(3) هنلف خيط الشغل حول إصبع الإبهام الأيسر من الخلف إلى الأمام بحيث تتكون لفه حول إصبع الإبهام الأيسر كما فى الصورة
(4) هندخل طرف الإبرة فى أسفل اللفة حول الإبهام
(5) هنسلت إصبع الإبهام خارج اللفة تاركا اللفة على الإبرة ثم هنشد خيط الشغل بلطف بإستخدام اليد اليسرى حتى تصبح اللفة أو الغرزة محكمة حول الإبرة (ولكن لا نشد الخيط بقوة حتى لاتصبح الغرز ضيقة وبالتالى تكون صعبة فى شغلها فى السطر التالى لذلك يجب أن تكون الغرز تتحرك بحرية على الإبرة)
وبذلك نكون قد صنعنا غرزة
* سوف نكرر الخطوات السابقة حتى نحصل على عدد الغرز المطلوب ولنفترض أن المطلوب هو البدء بعمل 10 غرز (مع الوضع فى الإعتبار أن غرزة البداية تحسب كغرزة إذن المطلوب هو عمل الخطوات السابقة 9 مرات + غرزة البداية = 10 غرز)
ومن المهم أيضا الحفاظ على كل الغرز أن تكون متجهه إلى الأعلى وعدم السماح لها بالإلتفاف وإلا سيكون من الصعب جدا شغلها فى السطر التالى
..........
وهنا فيديو يوضح طريقة البداية فى التريكو بإستخدام طريقة الغرزة البسيطة
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الإثنين 05 ديسمبر 2016, 11:42 pm
الدرس 6
الغرزة العدلة Knit Stitch
فى الدرس السابق شرحنا إزاى نبدأ سطر تريكو بطريقة الغرزة البسيطة وقبل مانبدأ درس النهاردة عاوزة أوضحلكم شوية مفاهيم ممكن يكون ده الوقت المناسب علشان أذكرها
أولا
* أى عمل تريكو بيتكون من عدد من السطور وكل سطر يتكون من عدد من الغرز
* وهناك أسلوبين فى شغل التريكو
الأسلوب الأول : وهو الشغل أمام وخلف العمل (ويسمى أيضا الشغل المسطح)
ويعرف بالإنجليزية بإسم Knitting Back & Forth أو Flat Knitting
وهذا الأسلوب اللى هنشرحه خلال كل دروس الدورة
وهذا الأسلوب يمكن عمله بإستخدام جميع أنواع إبر التريكو(مدببة الطرف و مدببة الطرفين و الدائرية)
وفى هذا الأسلوب لعمل سطر جديد يجب أن **نلف الشغل** وهو مصطلح يعرف بالإنجليزية بإسم **Turn your work** ونلف الشغل يعنى عند الإنتهاء من سطر لبدايه سطر جديد نقوم بعكس إتجاه الشغل ونعاود الشغل فوق الغرز السابق شغلها فى عكس الإتجاه يعنى نبدأ فى السطر الجديد بشغل أخر غرزة مشغولة فى السطر السابق وهكذا فى كل سطر جديد نقوم بلف الشغل
....
أما الأسلوب الثانى : وهو الشغل الدائرى (ويسمى أيضا بإسم الشغل الأنبوبى)
ويعرف بالإنجليزية بإسم Knitting in the Round أو Circular Knitting أو Tubular Knitting
وهذا الأسلوب هنشرحه فى أخر الدورة لأنه يختلف عن الأسلوب الأول فى مواضع كثيرة
وهذا الأسلوب يمكن عمله بإستخدام الإبر الدائرية والإبر مدببة الطرفين ولكن لايمكن عمله بإستخدام الإبر مدببة الطرف
وفى هذا الأسلوب لعمل سطر جديد لا نقوم بلف الشغل بمعنى لانقوم بعكس إتجاه الشغل ولكن يكون الشغل فى إتجاه واحد فى كل السطور يعنى نبدأ فى السطر الجديد بشغل أول غرزة مشغولة فى السطر السابق وهكذا فى كل سطر جديد
والكلام ده هيوضح أكثر أثناء دروس الدورة بس حبيت أوضحلكم معنى كلمة لف الشغل لأننا هنسمعها كتير أثناء شرح الدروس التالية
ثانى حاجة عاوزة أتكلم عنها قبل مانبدأ فى الدرس هيا
**طريقة مسك الإبرة والخيط**
_ طبعا كتير منكم هيقولوا طيب ليه الموضوع ده مقولتهوش الدرس اللى فات أو اللى قبله ؟ لأن فى الدرسين اللى فاتوا كنا بنستخدم إبرة تريكو واحده مع الإيد يعنى عقدة البداية عملناها بالإيد وحطناها على إبرة واحده وكمان سطر البداية عملناه بإستخدام إبرة واحدة واليد الشمال
أما من أول الدرس ده هنبدأ نشتغل بالإبرتين فلازم نعرف إزاى نمسكهم
........... وقبل ما أشرح إستايلات مسك الإبرة والخيط عاوزة أقولكم إن مافيش إستايل معين فيهم صح وإستايل غلط ولكن إنتى بتختارى المسكة اللى بتريحك أثناء الشغل واللى بإستخدامها بتحسى بسرعة فى الشغل وراحة وغير كده فى ناس بتشتغل تريكو إخترعوا طرق كتير لمسك الخيط والإبرة غير الإستايلات اللى هنشرحها دلوقتى وكلها صحيحة طالما بتريحك فى الشغل وبتؤدى فى النهاية نفس الغرض
..........
لمسك الإبرة والخيط إستايلين مصنفين عالميا
الإستايل الأول --------------- الإستايل الإنجليزى أو الأمريكى ويعرف بالإنجليزية بإسم English knitting أو American knitting أو throwing أو right-handed
_ وهو الإستايل الأشهر بين مستخدمى التريكو
_ بنمسك خيط الشغل باليد اليمين بحيث يتخلل الخيط بين الأصابع ويمكنك إستخدام اى اسلوب لمسك الخيط بحيث تستطيعى التحكم فيه فليس هناك طريقة مثلى لمسك الخيط فالأهم هو إمكانيتك للتحكم فى الخيط
_ وبنمسك الإبرة اللى عليها الغرز باليد الشمال والإبرة الفاضية(وتسمى إبرة الشغل working needle) باليد اليمين
.............. الإستايل الثانى --------------- الإستايل الأوروبى أو الألمانى ويعرف بالإنجليزية بإسم Continental knitting أو German knitting أو picking أو left-handed
_ وهو الإستايل الأقل إستخداما بين مستخدمى التريكو
_ بنمسك خيط الشغل باليد الشمال بحيث يتخلل الخيط بين الأصابع ويمكنك إستخدام اى اسلوب لمسك الخيط بحيث تستطيعى التحكم فيه فليس هناك طريقة مثلى لمسك الخيط فالأهم هو إمكانيتك للتحكم فى الخيط
_ وبنمسك الإبرة اللى عليها الغرز باليد الشمال والإبرة الفاضية(وتسمى إبرة الشغل working needle) باليد اليمين
.........
هنلاحظ إن الفرق الوحيد بين الطريقتين هو مسك الخيط فى اليد اليمين للطريقة الإنجليزية ومسك الخيط فى اليد الشمال فى الطريقة الأوروبية
ولاحظنا ان فى كلا الطريقتين إن الإبرة اللى عليها الغرز دائما بتتمسك فى اليد الشمال وبتكون ثابته وإن الإبرة الفاضية واللى بتسمى إبرة الشغل لأنها هيا المتحركة دائما بتتمسك فى اليد اليمين
.........
هناك البعض يستخدم الطريقتين فى وقت واحد فى حالة إذا كان بيشتغل بلونين فبيمسك لون فى اليد اليمين ولون تانى فى اليد الشمال
هناك غرزتين أساسيتين فى شغل التريكو وهما الغرزة العدلة والغرزة المقلوبة
بمجرد إنك تتعلمى الغرزة العدلة والغرزة المقلوبة يبقا قطعتى نصف الطريق فى شغل التريكو
وبإستخدام الغرزتين دول يمكن عمل أى شكل من أشكال التريكو المتنوعة
وقبل مانعرف إزاى نعمل الغرزة العدلة والغرزة المقلوبة لازم الأول نعرف شكل الغرزة على الإبرة بيكون إزاى
طبعا فى الدرس السابق عملنا سطر البداية واللى بيتكون من عدد من الغرز وكل غرزة بيكون ليها شكل على الإبرة إذا مسكنا الإبرة باليد الشمال ونظرنا إلى الغرز سنلاحظ أن الغرزة تتكون من لفة أمامية(Front loop) واللى بنكون شايفينها قدامنا ولفة خلفية (Back loop) واللى بتكون مستخبية خلف الإبرة
زى الرسم التوضيحى التالى
و شغلنا الاساسى فى التريكو بيكون بعمل الغرزة العدلة والمقلوبة فى اللفة الأمامية دائما (ولكن يمكن أيضا عمل غرزة عدلة وغرزة مقلوبة فى اللفة الخلفية ولكن فى هذه الحالة يجب أن يذكر الباترون ذلك)
...........
أيضا نلاحظ فى الرسم أن كل من اللفة الأمامية واللفة الخلفية للغرزة يتكون من جهة شمال وجهة يمين
..........
فى درس النهاردة هنتعلم الغرزة العدلة وإن شاء الله فى الدرس القادم هنتعلم الغرزة المقلوبة
والنهاردة هنتعلم 3 حاجات
1/ إزاى نعمل غرزة عدلة بالإستايل الإنجليزى
2/ إزاى نعمل غرزة عدلة بالإستايل الأوروبى
3/ إزاى نعمل غرزة عدلة فى اللفة الخلفية
الغرزة العدلة (Knit stitch)
دى الغرزة الأساسية فى شغل التريكو وعشان كدا سمى شغل التريكو بإسمها The Knitting.
وزى ماشرحت فى أول الدرس إن فى إستايلين لمسك الخيط والإبرة وإنتى تختارى اللى ترتاحى فيه بس أنا هشرح طريقة عمل الغرزة العدلة بالإستايلين وفى النهاية الخطوات واحدة والنتيجة واحدة بس الإختلاف بيبقا فى طريقة مسك الخيط والإبرة
أولا
الغرزة العدلة بالإستايل الإنجليزى Knit Stitch In English Style
(1)
هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد اليمين بحيث يكون الخيط خلف العمل
ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من الشمال إلى اليمين ومن الأمام إلى الخلف كما موضح فى الرسم التخطيطى التالى
نلاحظ تكون حرف T أو X برأس الإبرتين وتكون الإبرة اليمين خلف الإبرة الشمال
(2)
بإستخدام اليد اليمنى هنقوم بلف الخيط حول الإبرة اليمين كالتالى هنمرر الخيط من أسفل الإبرة اليمين ثم هنلفه من شمال الإبرة اليمن ثم فوق الإبرة اليمين ثم إلى أسفل ونتأكد أن الخيط أصبح موجودا بين الإبرتين
(3)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الأمام
هنلاحظ أن الإبرة اليمين أصبحت أمام الإبرة الشمال
(4)
هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة عدلة موجودة على الإبرة اليمين
(5)
هنكرر الأربع خطوات السابقة فى كل الغرز الموجودة على الإبرة الشمال حتى تنتقل كلها إلى الإبرة اليمين وينتهى السطر ولعمل سطر جديد هنبدل الابر يعنى الابرة اللى موجود عليها الغرز اللى هيا اليمين هنمسكها باليد الشمال والابرة اللى أصبحت فارغة اللى هيا الشمال هنمسكها باليد اليمين وده اللى بنسميه لف الشغل
...........
وهنا فيديو يوضح طريقة عمل الغرزة العدلة بالإستايل الإنجليزى
الغرزة العدلة بالإستايل الأوروبى Knit Stitch In Continental Style
(1)
هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد الشمال بحيث يكون الخيط خلف العمل
ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من الشمال إلى اليمين ومن الأمام إلى الخلف كما موضح فى الرسم التخطيطى التالى
نلاحظ تكون حرف T أو X برأس الإبرتين وتكون الإبرة اليمين خلف الإبرة الشمال
(2)
بإستخدام سبابة اليد الشمال هنقوم بلف الخيط حول الإبرة اليمين كالتالى هنمرر الخيط من أسفل الإبرة اليمين ثم هنلفه من شمال الإبرة اليمن ثم فوق الإبرة اليمين ثم إلى أسفل ونتأكد أن الخيط أصبح موجودا بين الإبرتين
(3)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الأمام
هنلاحظ أن الإبرة اليمين أصبحت أمام الإبرة الشمال
(4)
هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة عدلة موجودة على الإبرة اليمين
........ هنلاحظ إن الفرق الوحيد فى الإستايلين هيا الخطوة رقم 2 إننا فى الإستايل الإنجليزى بنلف الخيط باليد اليمين أما فى الإستايل الأوروبى بنلف الخيط باليد الشمال والنتيجة فى النهاية واحدة والخطوات واحدة وفى النهاية زى ماقولت حسب إرتياحك لمسك الخيط والإبرة فى ناس بتحب تشتغل بإيديها اليمين وناس بتحب تشتغل بإيديها الشمال .......
وهنا فيديو يوضح طريقة عمل الغرزة العدلة بالإستايل الأوروبى
الغرزة العدلة فى اللفة الخلفية Knit through the Back Loop
هيا نفس خطوات عمل الغرزة العدلة فى اللفة الأمامية الفرق الوحيد هو إتجاه إدخال الإبرة فى الغرزة
ففى الغرزة العدلة فى اللفة الأمامية بندخل الإبرة اليمين فى اللفة الأمامية للغرزة من جهة الشمال ومن خلف الإبرة الشمال
أما لعمل الغرزة العدلة فى اللفة الخلفية بندخل اللإبرة اليمين فى اللفة الخلفية للغرزة من جهة اليمين ومن خلف الإبرة الشمال
وإذا كان مطلوب عمل غرزة عدلة فى اللفة الخلفية سيطلب الباترون ذلك أما فيما عدا ذلك عندما يطلب الباترون عمل غرزة عدلة فقط فهو يقصد غرزة عدلة فى اللفة الأمامية
...........
وهنا فيديو يوضح طريقة عمل غرزة عدلة فى اللفة الخلفية
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الإثنين 05 ديسمبر 2016, 11:49 pm
الدرس السابع
الغرزة المقلوبة
وتسمى بالإنجليزية
Purl Stitch
والغرزة المقلوبة هيا الغرزة الأساسية الثانية بعد الغرزة العدلة واللى شرحناها بالتفصيل فى الدرس السابق ولازم نعرف نفرق بينهم هما الإثنين
والنهاردة إن شاء الله هنتعلم 3 حاجات
1/ إزاى نعمل غرزة مقلوبة بالإستايل الإنجليزى
2/ إزاى نعمل غرزة مقلوبة بالإستايل الأوروبى
3/ إزاى نعمل غرزة مقلوبة فى اللفة الخلفية
...............
أولا
الغرزة المقلوبه بالإستايل الإنجليزى
Purl Stitch In English Style
ملاحظة(الكتابة باللون المختلف يوضح الفرق بين الغرزة المقلوبة والغرزة العدلة)
(1)
هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد اليمين بحيث يكون الخيط أمام العمل
ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من اليمين إلى الشمال ومن الخلف إلى الأمام كما موضح فى الرسم التخطيطى التالى
نلاحظ تكون حرف T أو X برأس الإبرتين وتكون الإبرة اليمين أمام الإبرة الشمال
(2)
بإستخدام اليد اليمنى هنقوم بلف الخيط حول الإبرة اليمين كالتالى هنمرر الخيط من فوق الإبرة اليمين ثم هنلفه من يمين الإبرة اليمين ثم أسفل الإبرة اليمين ثم إلى أعلى ونتأكد أن الخيط أصبح موجودا بين الإبرتين
(3)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الخلف
هنلاحظ أن الإبرة اليمين أصبحت خلف الإبرة الشمال
(4)
هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة مقلوبة موجودة على الإبرة اليمين
(5)
هنكرر الأربع خطوات السابقة فى كل الغرز الموجودة على الإبرة الشمال حتى تنتقل كلها إلى الإبرة اليمين وينتهى السطر ولعمل سطر جديد هنبدل الابر يعنى الابرة اللى موجود عليها الغرز اللى هيا اليمين هنمسكها باليد الشمال والابرة اللى أصبحت فارغة اللى هيا الشمال هنمسكها باليد اليمين وده اللى بنسميه لف الشغل
...........
وهنا فيديو يوضح طريقة عمل الغرزة المقلوبة بالإستايل الإنجليزى
الغرزة المقلوبة بالإستايل الأوروبى Purl Stitch In Continental Style
(1)
هنمسك الإبرة اللى عليها الغرز فى اليد الشمال والإبرة الفاضية باليد اليمين وهنمسك الخيط باليد الشمال بحيث يكون الخيط أمام العمل
ثم هندخل رأس الإبرة اليمين فى أول غرزة على الإبرة الشمال هندخلها فى اللفة الأمامية من اليمين للشمال ومن الخلف إلى الأمام كما موضح فى الرسم التخطيطى التالى
نلاحظ تكون حرف T أو X برأس الإبرتين وتكون الإبرة اليمين أمام الإبرة الشمال
(2)
بإستخدام سبابة اليد الشمال هنقوم بلف الخيط حول الإبرة اليمين كالتالى هنمرر الخيط من فوق الإبرة اليمين ثم هنلفه من يمين الإبرة اليمن ثم أسفل الإبرة اليمين ثم إلى أعلى ونتأكد أن الخيط أصبح موجودا بين الإبرتين
(3)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الخلف
هنلاحظ أن الإبرة اليمين أصبحت خلف الإبرة الشمال
(4)
هنسلت الغرزة الموجودة على الإبرة الشمال ولتصبح اللفة الجديدة موجودة على الإبرة اليمين وبكدا نقول مبرووك إنتى عملتى أول غرزة مقلوبة موجودة على الإبرة اليمين
........ هنلاحظ إن الفرق الوحيد فى الإستايلين هيا الخطوة رقم 2 إننا فى الإستايل الإنجليزى بنلف الخيط باليد اليمين أما فى الإستايل الأوروبى بنلف الخيط باليد الشمال والنتيجة فى النهاية واحدة والخطوات واحدة وفى النهاية زى ماقولت حسب إرتياحك لمسك الخيط والإبرة فى ناس بتحب تشتغل بإيديها اليمين وناس بتحب تشتغل بإيديها الشمال .......
وهنا فيديو يوضح طريقة عمل الغرزة المقلوبة بالإستايل الأوروبى
الغرزة المقلوبة فى اللفة الخلفية Purl through the Back Loop
هيا نفس خطوات عمل الغرزة المقلوبة فى اللفة الأمامية الفرق الوحيد هو إتجاه إدخال الإبرة فى الغرزة
ففى الغرزة المقلوبة فى اللفة الأمامية بندخل الإبرة اليمين فى اللفة الأمامية للغرزة من جهة اليمين ومن أمام الإبرة الشمال
أما لعمل الغرزة المقلوبة فى اللفة الخلفية بندخل الإبرة اليمين فى اللفة الخلفية للغرزة من جهة الشمال ومن أمام الإبرة الشمال
وإذا كان مطلوب عمل غرزة مقلوبة فى اللفة الخلفية سيطلب الباترون ذلك أما فيما عدا ذلك عندما يطلب الباترون عمل غرزة مقلوبة فقط فهو يقصد غرزة مقلوبة فى اللفة الأمامية
...........
وهنا فيديو يوضح طريقة عمل غرزة مقلوبة فى اللفة الخلفية
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الإثنين 05 ديسمبر 2016, 11:56 pm
الدرس(: غرزة الطوق Garter Stitch
غرزة الطوق
Garter Stitch
..........
أحبائى اللهلوبات الجميلات قبل البدء فى درس النهاردة كالعادة عاوزة أدردش معاكم فى شوية أساسيات الأول علشان الصورة تبقا واضحة بالنسبة ليكم.
فى الدرسين السابقين شرحنا غرزتين أساسيتين فى شغل التريكو وهما الغرزة العدلة والغرزة المقلوبة وبالفعل إذا تمكنتى من عمل الغرزتين دول يبقا إنتى كدا قطعتى نصف الطريق فى تعلم التريكو .
عاوزة أتكلم معاكوا النهاردة عن
(عينة التريكو أو وحدة التريكو)
ومجازا يطلق عليها غرز التريكو وتسمى بالإنجليزية
Knitting Stitches
_ غرز التريكو أعداد وأشكال لامتناهية فلا يوجد إحصاء أو فهرسه عالمية لغرز التريكو .
_ ولكن عالميا غرز أو وحدات التريكو مقسمة إلى ثلاث مجموعات
1/ الغرز التى تتكون من تداخل الغرزة العدلة والغرزة المقلوبة (Knits & Purls)
2/ الضفائر (Cables & Arans)
3/ اللاسيه (Laces & eyelet)
والكلام ده هنتطرق إليه بشكل أوسع فى المستوى الثانى للمحترفين.
_ أى غرزة تريكو أو أى وحدة تريكو عبارة عن عدد معين من الغرز × عدد معين من السطور
**لكل وحدة من وحدات التريكو عدد غرز للبداية يجب الإلتزام به حتى تصبح الوحدة صحيحة الشكل فهناك وحدات يجب أن تبدأى بعدد غرز زوجى ووحدات أخرى يجب أن تبدأى بعدد غرز فردى ووحدات أخرى تبدأى بأى عدد من الغرز وهكذا (طبعا هتسألونى دلوقتى يعنى إحنا هنقعد نحفظ كل وحدة من الوحدات دى عدد غرز البداية ليها كام؟ لأ طبعا لو بتشتغلى من باترون بيذكر ليكى الوحدة بتفاصيلها أما لو كنتى بتشتغلى من غير باترون وعاوزة تنفذى وحدة معينة فى الشغل بتاعك بتكونى محتفظة بألبوم للوحدات دى بتفاصيلها ).
**أيضا كل وحدة تريكو تتكون من عدد معين من السطور فهناك وحدات تتكون من سطرين ووحدات أخرى تتكون من 4 أو 6 وهكذا لتحصلى على شكل الوحدة النهائى وتلك السطور عبارة عن 1/ سطر البداية (الذى يحتوى على غرز البداية) ثم 2/ السطور الأمامية (وهيا السطور الفردية زى السطر 1 و 3 و 5 و 7 وهكذا ) وتسمى Right-side rows وسميت بالسطور الأمامية لأنها تظهر من أمام العمل ثم 3/ السطور الخلفية (وهيا السطور الزوجية زى السطر 2 و 4 و 6 و 8 وهكذا ) وتسمى Wrong-side rows وسميت بالسطور الخلفية لأنها تظهر من خلف العمل
_ أيضا أى غرزة أو وحدة تريكو يكون لها وجهان 1/ الوجه الأمامى ( يسمى أمام العمل وبالإنجليزية يسمى Right-side) ويتكون هذا الوجه من السطور الأمامية وهو الوجه الذى يكون ظاهرا للخارج كوجه القبعة الخارجى أو وجه البلوفر الخارجى وهكذا
2/ الوجه الخلفى ( يسمى خلف العمل وبالإنجليزية يسمى Wrong-side) ويتكون هذا الوجه من السطور الخلفية وهو الوجه الذى يكون مختفيا للداخل كظهر القبعة الداخلى أو سطح البلوفر الداخلى وهكذا
** والوجه الأمامى هو الوجه المميز للوحدة والذى يحتوى على تفاصيل الغرزة والذى يستخدم دائما ليصبح ظاهرا خارج العمل أما الوجه الخلفى فهو الوجه السئ ودائما يكون غير ظارها للخارج وهناك بعض وحدات التريكو وجهها الأمامى مماثل لوجهها الخلفى أى تظهر بنفس الشكل وتسمى reversible stitches وتكون هذه الوحدات مثالية لعمل البطاطين أو الشيلان أو أى عمل يمكن إستخدامه على الوجهين
غرزة الطوق
Garter stitch
_ غرزة الطوق هيا من أبسط ومن أكثر الغرز إستخداما وشيوعا فى أعمال التريكو
_ لعمل غرزة الطوق هنبدأ بعمل أى عدد من الغرز
ثم هنشتغل كل الغرز فى كل السطور الأمامية والخلفية عدل
**(ملاحظة يمكن أيضا عمل غرزة الطوق بشغل كل الغرز فى كل السطور الأمامية والخلفية مقلوب)
وهنا فيديو يوضح طريقة عمل غرزة الطوق Garter Stitch
غرزة الطوق من الغرز التى تظهر بنفس الشكل فى أمام وخلف العمل reversible stitch
عند النظر إلى أو لمس غرزة الطوق نشعر ببروزات ومرتفعات
فكل سطرين يكونوا مرتفع من هذه المرتفعات ويسمى Ridge
لذلك إذا أردنا عد سطور غرزة الطوق فنحن نقوم بعد المرتفعات وضربها × 2
والمرتفع يظهر على شكل أقواس متقابلة
كما فى الشكل التالى
وفى الشكل التخطيطى التالى يوضح شكل غرزة الطوق وشكل المرتفعات
.............
مميزاتها وإستخداماتها
1/ سهلة وسريعة العمل 2/ من الغرز متماثلة الوجهان reversible stitch لذلك يمكن إستخدامها فى عمل البطاطين والإسكارفات والأعمال التى تظهر من الجانبين 3/ تتميز غرزة الطوق بالمرونه وأيضا لا تبرم أو تنثنى لذلك تستخدم فى عمل الحواف والبراويز والأحزمة والشرائط
...........
وهنا إستعرضت لكم بعض الأعمال التى صنعت بإستخدام غرزة الطوق
ابراهيم الشنطي Admin
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الثلاثاء 06 ديسمبر 2016, 12:03 am
الدرس(9): غرزة الجيرسيه أو القماشة Stockinette Stitch
غرزة الجيرسيه (غرزة القماشة)
وتسمى بالإنجليزية
Stockinette Stitch أو Stocking Stitch
** غرزة الجيرسيه من غرز التريكو الأساسية وتستخدم إستخداما واسعا فى شغل التريكو
..........
(طريقة عمل غرزة الجيرسيه)
_ هنبدأ بعمل أى عدد من الغرز _ السطر 1 (وجه العمل)= كل الغرز عدل _ السطر 2 (ظهر العمل)= كل الغرز مقلوب
_ غرزة الجيرسيه لها وجهان بمعنى ان شكلها يختلف فى وجه العمل عن ظهر العمل
فهيا تكون بالشكل التالى فى وجه العمل (right side)
وهذا الوجه يعرف بالوجه العدل (Knit side) لان الغرز العدل فقط تظهر فيه ونلاحظ أن الغرز فى هذا الوجه تكون على شكل حرف V وهذا الوجه يكون ناعم الملمس كما فى الشكل التوضيحى التالى
أما الوجه الأخر وهو ظهر العمل (Wrong side) فغرزة القماشة تكون بالشكل التالى
وهذا الوجه يعرف بالوجه المقلوب (Purl side) لان الغرز المقلوبه فقط تظهر فيه وتكون الغرز فى هذا الوجه على شكل أقواس صغيرة متداخلة ومتقابلة فتعطى ملمسا اكثر خشونه من الوجه الاخر
..........
(مميزاتها وإستخداماتها)
_ غرزة القماشة سميت بهذا الاسم لان معظم الانسجة والاقمشه تعتمد على عمل هذه الغرزة ايضا فى شغل مكن التريكو فهو معتمد ايضا على هذه الغرزة _غرزة القماشة تستخدم فى جميع أنواع شغل التريكو _ غرزة القماشة يوجد بها عيب أن أطرافها بتبرم ( فالاطراف الجانبية تبرم ناحية ظهر العمل بينما الطرفين العلوى والسفلى تبرمان ناحية وجه العمل) لذلك نلاحظ دائما فى الاعمال ان غرزة القماشة تكون مصحوبة بغرزة الطوق او البليسيه فى أطرافها لتمنع برمها
ونجد البرم او الإلتفاف واضح فى العينة التالية
وهناك مصممين يعتبرون هذه البرمه ميزة وليست عيبا ويستخدمونها فى كثير من التصميمات المبتكره
ابراهيم الشنطي Admin
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الثلاثاء 06 ديسمبر 2016, 12:04 am
الدرس(10): قفل الغرز فى التريكو للمبتدئين Bind off/Cast off
قفل الغرز لإنهاء العمل فى التريكو
تعرف بالإنجليزية بإسم
Casting off أو Binding off
..........
** إتعلمنا فى الدروس السابقة كيف نبدأ عملا ثم تعلمنا الغرزتين الأساسيتين وهما الغرزة العدلة والغرزة المقلوبة وأيضا تعلمنا وحدتين من غرز التريكو هما الأشهر والأكثر إستخداما فى شغل التريكو وهما غرزة الطوق وغرزة الجيرسيه
** والأن يبقا لنا كمبتدئين أن نتعلم كيف نقفل الغرز لإنهاء العمل
** فأى عمل من التريكو يجب إنهائه بقفل الغرز وقفل الغرز ببساطة معناه إزالة الغرز الحية الموجودة على الإبرة بشكل أمن بحيث يصبح العمل أو قطعة التريكو صالحة للإستخدام والملبس بدون الخوف من إنفكاك الغرز عن بعضها
** هناك طرق كثيرة لقفل الغرز ولكن فى هذا الدرس سنشرح بإذن الله طريقة واحدة فقط للمبتدئين ثم نشرح باقى الطرق فى المستوى الثانى للمحترفين إن شاء الله
.........
طريقة قفل الغرز اللى هنشرحها الدرس ده إسمها
طريقة قفل الغرز الأساسية
وبالإنجليزية تعرف ب
Basic Bind off
أو
Standard Bind off
_ هذه الطريقة هيا الأكثر إستخداما وإنتشارا خصوصا بين المبتدئين
_ ولكن لهذه الطريقة عيب أنها تجعل الطرف المقفول غير مطاط وفى هذه الحاله يكون إستخدام هذه الطريقة سئ فى تقفيل الأساور أو فتحة الرقبة لأنها تحتاج إلى مطاطية ليسهل لبسها وإستخدامها
_ ويفضل إستخدامها فقط فى الأطراف التى سوف نقوم بتوصيلها مع بعضها البعض كالأكتاف مثلا وأيضا فى الأطراف التى سوف نقوم بلقط غرز عليها وإستكمال شغلها
**الخطوات**
(1)
هنشتغل أول غرزتين موجودين على الإبرة الشمال عدل (ملاحظة ولو كانت الغرز مقلوبة هنشتغلها مقلوبة ) أصبح على الإبرة اليمين الأن غرزتين
(2)
هندخل رأس الإبرة الشمال فى أول غرزة مشغولة على الإبرة اليمين ثم هنمررها فوق الغرزة الثانية الموجودة على الإبرة اليمين ونسلتها من على الإبرة
(3)
وبكدا نكون قفلنا غرزة سيتبقى على الإبرة اليمين غرزة واحدة هنقوم بشغل غرزة عدل من على الإبرة الشمال ليصبح على الإبرة اليمين غرزتين فنكرر الخطوات السابقة حتى ننتهى من قفل كل الغرز
(4)
عندما ننتهى من قفل كل الغرز هنقطع طرف الخيط مع ترك ذيل من الخيط طوله حوالى 10 سم ثم هنسحبه من خلال أخر غرزة ونشده حتى نحكم غلق الغرزة
..........
وهنا فيديو يوضح طريقة قفل الغرز العدلة بالطريقة الأساسية
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الثلاثاء 06 ديسمبر 2016, 12:04 am
الدرس(11): بداية التريكو بطريقة الغرزة العدلة Knit cast on أول درس إن شاء الله فى المستوى الثانى للمحترفين وهنشرح فى المستوى ده كل مايخص شغل التريكو بشكل موسع وهنتطرق لكل مايخص التريكو حتى تصبحى محترفة فى عمل التريكو وأكثر إن شاء الله
.........
كما ذكرنا فى المستوى الأول للمبتدئين أن هناك طرق كثيرة لبداية التريكو ولكل طريقة مميزاتها وعيوبها وإستخداماتها وسوف نسرد إن شاء الله فى هذا المستوى جميع طرق البداية فى التريكو بالتفصيل
ويمكنكم مراجعه الدرسين التاليين واللى قمنا بشرحهم فى المستوى الأول
بداية التريكو بطريقة الغرزة العدلة
وتعرف بالإنجليزية بإسم
Knitted cast on أو Knit cast on أو Knitting on
* تعتبر من أشهر وأسهل طرق البداية فى التريكو ويمكن للمبتدئين تعلمها بسهولة
من مميزات هذه الطريقة
1/ سهولة عملها وتذكر خطواتها 2/ يمكن إستخدامها لبداية أى عمل تريكو 3/ تستخدم عند بداية غرز جديدة أثناء الشغل 4/ سهلة العمل مع أى سمك خيط
من عيوب هذه الطريقة
1/ البداية تكون مرنه جدا زيادة عن اللزوم مما يجعل الطرف فضفاضا جدا ومشوه وللتغلب على هذا العيب يمكن البدء على إبر مقاس أصغر من مقاس الإبر اللى هنشتغل بيه 2/ السطر الأول المشغول بعد هذه البدايه يظهر وكأنه يحتوى على فتحات أو خروم وللتغلب على هذا العيب يمكن شغل كل الغرز فى السطر الأول فقط فى اللفة الخلفية لقفل الفجوات
وهنمسك الإبرة اللى عليها عقدة البداية باليد اليسرى والإبرة الفارغة باليد اليمنى
(2)
هندخل الإبرة اليمين فى اللفة الأمامية من الشمال لليمين ومن خلف الإبرة الشمال (بالمثل كأننا هنعمل غرزة عدلة لهذا السبب سميت البداية بطريقة الغرزة العدلة)
(3)
هنلاحظ تقاطع الإبرتين معا على شكل حرف X بحيث تكون الإبرة اليمين خلف الشمال
(4)
باليد اليمنى هنلف خيط الشغل حول الإبرة اليمين من أسفل ثم للشمال ثم لأعلى ثم لليمين بحيث يصبح الخيط محكما بين الإبرتين( كما نفعل لعمل غرزة عدلة)
(5)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الأمام(كما نفعل لعمل غرزة عدلة)
هنلاحظ أن الإبرة اليمين أصبحت أمام الإبرة الشمال
(6)
الأن أصبح عندنا لفة على كل إبرة الغرزة الأصليه على الإبرة الشمال والغرزة الجديدة على الإبرة اليمين هنحاول توسيع اللفة الجديدة الموجودة على الإبرة اليمين
(7)
هننقل الغرزة الجديدة من الإبرة اليمين إلى الإبرة الشمال عن طريق إدخال الإبرة الشمال فى الغرزة الجديدة وسلت الإبرة اليمين خارجها لتتركها على الإبرة الشمال
(
والأن أصبح عندنا غرزتين هنكرر الخطوات السابقة حتى نحصل على عدد الغرز المطلوب
.............
وهنا فيديو يوضح بداية التريكو بطريقة الغرزة العدلة
وهنمسك الإبرة اللى عليها عقدة البداية باليد اليسرى والإبرة الفارغة باليد اليمنى
(2)
هندخل الإبرة اليمين فى اللفة الأمامية من اليمين للشمال ومن أمام الإبرة الشمال (بالمثل كأننا هنعمل غرزة مقلوبة لهذا السبب سميت البداية بطريقة الغرزة المقلوبة)
هنلاحظ تقاطع الإبرتين معا على شكل حرف X بحيث تكون الإبرة اليمين أمام الشمال
باليد اليمنى هنلف خيط الشغل حول الإبرة اليمين من فوق الإبرة اليمين ثم هنلفه من يمين الإبرة اليمين ثم أسفل الإبرة اليمين ثم إلى أعلى بحيث يصبح الخيط محكما بين الإبرتين( كما نفعل لعمل غرزة مقلوبة)
(3)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الخلف(كما نفعل لعمل غرزة مقلوبة)
هنلاحظ أن الإبرة اليمين أصبحت خلف الإبرة الشمال
الأن أصبح عندنا لفة على كل إبرة الغرزة الأصليه على الإبرة الشمال والغرزة الجديدة على الإبرة اليمين هنحاول توسيع اللفة الجديدة الموجودة على الإبرة اليمين
(4)
هننقل الغرزة الجديدة من الإبرة اليمين إلى الإبرة الشمال عن طريق إدخال الإبرة الشمال فى الغرزة الجديدة وسلت الإبرة اليمين خارجها لتتركها على الإبرة الشمال
(5)
والأن أصبح عندنا غرزتين هنكرر الخطوات السابقة حتى نحصل على عدد الغرز المطلوب
والصورة التالية توضح شكل البداية بطريقة الغرزة المقلوبة
الدرس(13): بداية التريكو بطريقة الغرزة العدلة والمقلوبة المتبادلة Alternating CO
بداية التريكو بطريقة الغرزة العدلة والمقلوبة المتبادلة
* وهيا طريقة إبتكرت خصيصا لشغل البليسيه لأنها تعطى مطاطية أكثر للبداية تكون مناسبة لمطاطية البليسيه
ولمن لا يعرف غرزة البليسيه (Rib stitch) وتعرف بغرزة الأستيك ولها أشكال متعددة وتعتمد فكرتها على تبادل الغرزة العدلة مع الغرزة المقلوبه لعمل قطعه شديدة المطاطية كالأستيك وهنشرحها بالتفصيل خلال الدروس القادمة
وده شكل غرزة البليسيه 1ع×1م
* فكمثال إذا كان المطلوب هو عمل 10 غرز من غرزة البليسيه(1عدل , 1 مقلوب) إذن هنبدأ بطريقة الغرزة المتبادلة كالتالى
الدرس(14): بداية التريكو بطريقة الضفيرة Cable cast on
بداية التريكو بطريقة الضفيرة
وتعرف بالإنجليزية بإسم
Cable Cast on
* هذه البداية تشبه كثيرا البداية بطريقة الغرزة العدلة وتختلف فقط فى مكان إدخال الإبرة لعمل الغرزة الجديدة فبدلا من إدخال الإبرة فى الغرزة السابقة بندخلها بين الغرزتين وهنشرح الكلام ده خلال الدرس
* سميت بطريقة الضفيرة لأنها تعطى مظهر الضفيرة
من مميزات هذه الطريقة
1/ سهولة عملها وتذكر خطواتها 2/ يمكن إستخدامها لبداية أى عمل تريكو 3/ تستخدم عند بداية غرز جديدة أثناء الشغل
ولبداية غرز جديدة فوق فتحات الزراير
4/ سهلة العمل مع أى سمك خيط 5/ تعطى مظهرا انيقا ومنتظما للحافة
..........
من عيوب هذه الطريقة
1/ البداية تكون غير مرنة بالقدر الكافى لذلك تكون مشدودة وقد يعتبرها البعض ميزة فى بعض الأعمال
2/ السطر الأول المشغول بعد هذه البدايه يظهر وكأنه يحتوى على فتحات أو خروم وللتغلب على هذا العيب يمكن شغل كل الغرز فى السطر الأول فقط فى اللفة الخلفية لقفل الفجوات
وهنمسك الإبرة اللى عليها عقدة البداية باليد اليسرى والإبرة الفارغة باليد اليمنى
(2)
لعمل ثانى غرزة (لأن عقدة البداية تحسب كأول غرزة)
هندخل الإبرة اليمين فى اللفة الأمامية من الشمال لليمين ومن خلف الإبرة الشمال (بالمثل كأننا هنعمل غرزة عدلة)
هنلاحظ تقاطع الإبرتين معا على شكل حرف X بحيث تكون الإبرة اليمين خلف الشمال
باليد اليمنى هنلف خيط الشغل حول الإبرة اليمين من أسفل ثم للشمال ثم لأعلى ثم لليمين بحيث يصبح الخيط محكما بين الإبرتين( كما نفعل لعمل غرزة عدلة)
(3)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الأمام(كما نفعل لعمل غرزة عدلة)
هنلاحظ أن الإبرة اليمين أصبحت أمام الإبرة الشمال
الأن أصبح عندنا لفة على كل إبرة الغرزة الأصليه على الإبرة الشمال والغرزة الجديدة على الإبرة اليمين هنحاول توسيع اللفة الجديدة الموجودة على الإبرة اليمين
(4)
هننقل الغرزة الجديدة من الإبرة اليمين إلى الإبرة الشمال عن طريق إدخال الإبرة الشمال فى الغرزة الجديدة وسلت الإبرة اليمين خارجها لتتركها على الإبرة الشمال
والأن أصبح عندنا غرزتين
(5)
لعمل الغرزة الثالثة وكل الغرز التالية
هندخل الإبرة اليمين بين الغرزتين الموجودتين على الإبرة الشمال من الأمام إلى الخلف
هنلاحظ تقاطع الإبرتين معا على شكل حرف X بحيث تكون الإبرة اليمين خلف الشمال
باليد اليمنى هنلف خيط الشغل حول الإبرة اليمين من أسفل ثم للشمال ثم لأعلى ثم لليمين بحيث يصبح الخيط محكما بين الإبرتين
(6)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الفراغ بين الغرزتين
هنلاحظ أن الإبرة اليمين أصبحت أمام الإبرة الشمال
هنحاول توسيع اللفة الجديدة الموجودة على الإبرة اليمين
هننقل الغرزة الجديدة من الإبرة اليمين إلى الإبرة الشمال عن طريق إدخال الإبرة الشمال فى الغرزة الجديدة وسلت الإبرة اليمين خارجها لتتركها على الإبرة الشمال
وبكدا يكون عندنا 3 غرز على الإبرة الشمال
(7)
هنكرر الخطوتين 5 و6 حتى نحصل على عدد الغرز المطلوب لاحظى شكل البداية يشبه الضفيرة لذلك سميت بهذا الإسم
الدرس(15): بداية التريكو بطريقة الضفيرة المعكوسة Reversed Cable CO
بداية التريكو بطريقة الضفيرة المعكوسة أو بداية التريكو بطريقة الضفيرة المقلوبة
وتعرف بالإنجليزية بإسم
Reversed Cable Cast on أو Purled Cable Cast on
* هذه الطريقة هيا نفس البداية بطريقة الضفيرة ولكن تختلف فقط فى إلتقاط الخيط كأننا هنشتغل غرزة مقلوبة وليست عدلة كما سنشرح فيما بعد
وهنمسك الإبرة اللى عليها عقدة البداية باليد اليسرى والإبرة الفارغة باليد اليمنى
(2)
لعمل ثانى غرزة (لأن عقدة البداية تحسب كأول غرزة)
هندخل الإبرة اليمين فى اللفة الأمامية من اليمين للشمال ومن أمام الإبرة الشمال (بالمثل كأننا هنعمل غرزة مقلوبة)
هنلاحظ تقاطع الإبرتين معا على شكل حرف X بحيث تكون الإبرة اليمين أمام الشمال
(3)
باليد اليمنى هنلف خيط الشغل حول الإبرة اليمين من فوق ثم لليمين ثم لأسفل ثم للشمال بحيث يصبح الخيط محكما بين الإبرتين( كما نفعل لعمل غرزة مقلوبة)
(4)
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الغرزة الموجودة على الإبرة الشمال إلى الخلف(كما نفعل لعمل غرزة مقلوبة)
هنلاحظ أن الإبرة اليمين أصبحت خلف الإبرة الشمال
الأن أصبح عندنا لفة على كل إبرة الغرزة الأصليه على الإبرة الشمال والغرزة الجديدة على الإبرة اليمين هنحاول توسيع اللفة الجديدة الموجودة على الإبرة اليمين
(5)
هننقل الغرزة الجديدة من الإبرة اليمين إلى الإبرة الشمال عن طريق إدخال الإبرة الشمال فى الغرزة الجديدة وسلت الإبرة اليمين خارجها لتتركها على الإبرة الشمال
والأن أصبح عندنا غرزتين
(6)
لعمل الغرزة الثالثة وكل الغرز التالية
هندخل الإبرة اليمين بين الغرزتين الموجودتين على الإبرة الشمال من الخلف للأمام
هنلاحظ تقاطع الإبرتين معا على شكل حرف X بحيث تكون الإبرة اليمين أمام الشمال
(7)
باليد اليمنى هنلف خيط الشغل حول الإبرة اليمين من فوق ثم لليمين ثم لأسفل ثم للشمال بحيث يصبح الخيط محكما بين الإبرتين
(
بإستخدام رأس الإبرة اليمين مع وجود لفة الخيط حولها هنسحب الإبرة اليمين باللفة خارج الفراغ بين الغرزتين
هنلاحظ أن الإبرة اليمين أصبحت خلف الإبرة الشمال
هنحاول توسيع اللفة الجديدة الموجودة على الإبرة اليمين
هننقل الغرزة الجديدة من الإبرة اليمين إلى الإبرة الشمال عن طريق إدخال الإبرة الشمال فى الغرزة الجديدة وسلت الإبرة اليمين خارجها لتتركها على الإبرة الشمال
وبكدا يكون عندنا 3 غرز على الإبرة الشمال
(9)
هنكرر الخطوتين 5 و6 حتى نحصل على عدد الغرز المطلوب
ابراهيم الشنطي Admin
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الثلاثاء 06 ديسمبر 2016, 9:26 am
الدرس(16): بداية التريكو بطريقة الضفيرة المتبادلة Alternating Cable CO
* وهيا طريقة إبتكرت خصيصا لشغل البليسيه لأنها تعطى مطاطية أكثر للبداية تكون مناسبة لمطاطية البليسيه
* فكمثال إذا كان المطلوب هو عمل 10 غرز من غرزة البليسيه(1عدل , 1 مقلوب) إذن هنبدأ بطريقة الضفيرة المتبادلة كالتالى
طبعا هنبدأ بعمل عقدة البداية ثم ( هنبدا الغرزة التالية بطريقة الضفيرة ثم هنبدأ الغرزة التالية بطريقة الضفيرة المعكوسة ) و هنكرر مابين الأقواس حتى نكمل 10 غرز
وده شكل البداية بطريقة الضفيرة المتبادلة
الدرس(17): بداية التريكو بطريقة الذيل الطويل Long tail CO
بداية التريكو بطريقة الذيل الطويل
وتعرف بالإنجليزية بإسم
Long tail Cast on أو Double Cast on أو Two strand Cast on
* تعتبر طريقة الذيل الطويل الطريقة المثلى لبداية التريكو وأنا شخصيا أبدأ بها معظم أعمالى إلا إذا طلب الباترون بداية معينة
* سميت بطريقة الذيل الطويل لأننا نترك ذيل طويل من الخيط قبل عمل عقدة البداية ونقوم بعمل غرز البداية بإستخدام طرفى الخيط (ذيل الخيط الطويل + الخيط المتصل بالبكرة) ولذلك سميت أيضا ب double و two strand بمعنى الخيطين على عكس كل طرق البداية السابق شرحها ففيها ننشأ غرز البداية من الخيط المتصل بالبكرة فقط
..........
من مميزات هذه الطريقة
1/ سهلة وسريعة التنفيذ 2/ سهولة شغل السطر الأول بعدها 3/ يمكن إستخدامها لبداية أى عمل تريكو 4/ سهلة العمل مع أى سمك خيط 5/ تعطى حافة منتظمة ومرنة تكون مناسبة لشغل كلا من الجيرسيه والبليسيه 6/ فى هذه الطريقة يتم حساب سطر البداية كسطر على عكس طرق البداية السابق ذكرها فسطر البداية لا يتم حسابه ضمن السطور(فمثلا اذا كان المطلوب عمل 10 سطور سوف نحسب سطر البداية بطريقة الذيل الطويل كسطر من ضمن العشر سطور)
...........
من عيوب هذه الطريقة
1/ يجب ترك ذيل طويل من الخيط وحساب الطول بالطريقة الصحيحة (لأن الذيل إذا كان اقصر من المطلوب لن نستطيع إكمال غرز البداية وسنضطر إلى فك الشغل والبداية من الأول وإذا كان الذيل أطول من اللازم فسوف نخسر بعضا من الخيط بقصه)
2/ يجب مسك الخيط بالطريقة الصحيحة والإنتباه إلى وضعية الخيط فى اليد حتى لا تبرم الغرز أثناء عملها
لطريقة الذيل الطويل اسلوبين فى عملها وسوف أشرح الأسلوبين وكل واحده حسب الأسلوب اللى ترتاح فيه فالنتيجه واحده فى الأسلوبين
*فى كلا الأسلوبين نقوم بحساب طول الذيل الطويل كالتالى = هنترك حوالى 2 سم لكل غرزة+ 15 سم فمثلا إذا كنا سنبدأ بعمل 10 غرز إذن سنترك ذيل طويل = (2×10) + 15 = 35 سم
..........
الأسلوب الأول
طريقة الذيل الطويل التقليدية
traditional style أو Slingshot style أو Y_ style أو Continental style
---------- خطوات العمل
(1)
هنعمل عقدة البداية ولكن بعد ترك الطول المناسب من الخيط للذيل الطويل كما شرحنا سابقا كما موضح فى الصورة عندنا خيطين الخيط المتصل بالبكرة باللون الأزرق والذيل الطويل باللون الأحمر
(2)
هنمسك الإبرة اللى عليها عقدة البداية باليد اليمنى وهنمسك طرفى الخيط فى قبضة اليد اليسرى ثم هنلف الخيط المتصل بالبكرة حول إصبع السبابة وذيل الخيط الطويل حول إصبع الإبهام كما موضح فى الصورة تماما
ولاحظى فى الصورة التالية ترقيم الخيوط
فالخيط المتصل بالبكرة والملفوف حول السبابة له جهتان رقم 1 بالأزرق الفاتح ورقم 2 بالأزرق الغامق
وذيل الخيط والملفوف حول الإبهام له جهتان رقم 3 بالأحمر الغامق ورقم 4 بالأحمر الفاتح
(3)
المطلوب الأن هو أن نلتقط لفة الخيط المتصل بالبكرة ونمرره من خلال لفة الذيل الطويل كالتالى
هندخل طرف الإبرة اليمين من أسفل الخيط رقم 4 ثم من فوق الخيط رقم 3 و 1 ثم من أسفل الخيط رقم 1 كما يوضح السهم الرمادى فى الرسم التالى
هنمرر الإبرة اليمين ولفة الخيط حولها من أسفل الخيط رقم 4 وأيضا هنسلت لفة الذيل الطول من حول الإبهام كما موضضح بالسهمين فى الصورة التالية
(5)
والأن هنشد ذيل الخيط باللون الأحمر بليونه حتى نحكم لفة الخيط المتصلة بالبكرة حول الإبرة وبكدا نكون عملنا غرزة
........
هنكرر الخطوات 3 وحتى 5 حتى نحصل على عدد الغرز المطلوب
.......
ملاحظة مفيدة
سنلاحظ أن بداية التريكو بطريقة الذيل الطويل هيا عبارة عن = بداية التريكو بطريقة الغرزة البسيطة بذيل الخيط الطويل + سطر عدل بالخيط المتصل بالبكرة
بمعنى اننا بنعمل خطوتين ولكن فى خطوة واحدة بنعمل سطر بداية وسطر عدل فى نفس الوقت ولهذا السبب تحسب هذه البداية كسطر ضمن السطور
ولهذا السبب أيضا عند عمل غرزة الجيرسيه والبداية بهذه الطريقة هنشتغل السطر التالى مقلوب بإعتبار إننا عملنا السطر العدل وإحنا بنعمل البداية
الأسلوب الثانى
طريقة الذيل الطويل بإستايل الإبهام
Thumb style
خطوات العمل
(1)
هنعمل عقدة البداية ولكن بعد ترك الطول المناسب من الخيط للذيل الطويل كما شرحنا سابقا كما موضح فى الصورة عندنا خيطين الخيط المتصل بالبكرة باللون الأزرق والذيل الطويل باللون الأحمر
(2)
هنمسك الإبرة اللى عليها عقدة البداية بقبضة اليد اليمنى وهنمسك الخيط المتصل بالبكرة باليد اليمنى مع لفه حول سبابه اليد اليمنى وهنمسك ذيل الخيط الطويل بقبضة اليد اليسرى مع لفه حول إبهام اليد اليسرى
هنمرر ذيل الخيط فوق اللفة على الابرة المتكونه من الخيط المتصل بالبكرة ثم هنسلت ذيل الخيط من على الابرة تاركا اللفة المتكونه من الخيط المتصل بالبكرة على الابرة
وهنشد ذيل الخيط بليونه حتى نحكم اللفة على الابرة
وبكدا نكون عملنا غرزة
هنكرر الخطوات من 2 وحتى 4 حتى نحصل على عدد الغرز المطلوب
البعض يروا أن هذا الإستايل أسهل من الإستايل الأول والبعض الأخر يرى العكس وكل حسب تمكنه من تنفيذ الإستايل
ابراهيم الشنطي Admin
عدد المساهمات : 75477 تاريخ التسجيل : 28/01/2013 العمر : 78 الموقع : الاردن
موضوع: رد: اساسيات الكروشية والدروس التعليمية الثلاثاء 06 ديسمبر 2016, 9:32 am
الدرس(18): بداية التريكو بطريقة الذيل الطويل المعكوسة Reversed Long tail CO
بداية التريكو بطريقة الذيل الطويل المعكوسة أو بداية التريكو بطريقة الذيل الطويل المقلوبة
وتعرف بالإنجليزية بإسم
Reversed Long Tail Cast on أو Purled Long Tail Cast on
* هذه الطريقة هيا إحدى تحريفات طريقة الذيل الطويل واللى إتحرفت أكثر من مرة وهنشرح طبعا جميع تحريفاتها على مدار الدروس القادمة إن شاء الله * هذه الطريقة تشبه تماما طريقة الذيل الطويل الإختلاف الوحيد هو مكان دخول الإبرة وهنشرح ده فى الخطوات التالية
وتكون النتيجه الحصول على سطر بداية مقلوب على عكس طريقة الذيل الطويل فلقد كنا نحصل على سطر بداية عدل
لهذا السبب إذا كنا هنشتغل غرزة الجيرسيه فوق بداية الذيل الطويل المعكوسه إذن هنشتغل السطر التالى عدل لأننا سنعد سطر البداية كسطر من ضمن السطور وهو فى هذه الطريقة مقلوب
هنعمل عقدة البداية ولكن بعد ترك الطول المناسب من الخيط للذيل الطويل كما شرحنا سابقا كما موضح فى الصورة عندنا خيطين الخيط المتصل بالبكرة باللون الأزرق والذيل الطويل باللون الأحمر
(2)
هنمسك الإبرة اللى عليها عقدة البداية باليد اليمنى وهنمسك طرفى الخيط فى قبضة اليد اليسرى ثم هنلف الخيط المتصل بالبكرة حول إصبع السبابة وذيل الخيط الطويل حول إصبع الإبهام كما موضح فى الصورة تماما
ولاحظى فى الصورة التالية ترقيم الخيوط
فالخيط المتصل بالبكرة والملفوف حول السبابة له جهتان رقم 1 بالأزرق الفاتح ورقم 2 بالأزرق الغامق
وذيل الخيط والملفوف حول الإبهام له جهتان رقم 3 بالأحمر الغامق ورقم 4 بالأحمر الفاتح
(3)
المطلوب الأن هو أن نلتقط لفة الذيل الطويل ونمرره من خلال لفة الخيط المتصل بالبكرة كالتالى (وهذه هيا الخطوة الوحيدة المختلفة عن طريقة الذيل الطويل)
هندخل طرف الإبرة اليمين من أسفل الخيط رقم 2 من الخلف إلى الأمام
ورسم أخر يوضح نفس الخطوة
ثم من فوق الخيط رقم 1
ثم من أسفل الخيط رقم 3 من الخلف إلى الأمام ثم فوق الخيط رقم 3 إلى الخلف مرة أخرى بحيث نلتقط بالإبرة الخيط رقم 3
ورسم أخر يوضح نفس الخطوتين السابقتين
ملاحظة يجب إلتقاط الخيط رقم 3 بالإبرة من الخلف إلى الأمام وليس من الأمام إلى الخلف كما فى الصورة التالية حتى لا تؤدى إلى برم الغرزة
هنمرر الإبرة اليمين ولفة الذيل الطويل حولها من أسفل الخيط رقم 2 وأيضا هنسلت لفة الخيط المتصل بالبكرة من حول السبابه ونشد الخيط بحيث نحكم اللفة حول الإبرة وبكدا نكون عملنا غرزة
ورسم أخر يوضح نفس الخطوة
هنكرر الخطوات 3 وحتى 5 حتى نحصل على عدد الغرز المطلوب
.........
ملاحظة
سنلاحظ أن بداية التريكو بطريقة الذيل الطويل المعكوسه هيا عبارة عن = بداية التريكو بطريقة الغرزة البسيطة بالخيط المتصل بالبكرة + سطر مقلوب بذيل الخيط الطويل
بمعنى اننا بنعمل خطوتين ولكن فى خطوة واحدة بنعمل سطر بداية وسطر مقلوب فى نفس الوقت ولهذا السبب تحسب هذه البداية كسطر ضمن السطور
ولهذا السبب أيضا عند عمل غرزة الجيرسيه والبداية بهذه الطريقة هنشتغل السطر التالى عدل بإعتبار إننا عملنا السطر المقلوب وإحنا بنعمل البداية
وفى الرسم التالى يوضح الفرق بين إتجاه دخول الإبرة فى الطريقتين الذيل الطويل والذيل الطويل المعكوسة
الدرس(19): بداية التريكو بطريقة الذيل الطويل المتبادلة Alternating long tail CO
بداية التريكو بطريقة الذيل الطويل المتبادلة
وتعرف بالإنجليزية بإسم
Alternating Long tail Cast on أو Rib Long tail Cast on
* وهيا طريقة أيضا إبتكرت خصيصا لشغل البليسيه لأنها تعطى مطاطية أكثر للبداية تكون مناسبة لمطاطية البليسيه
* فكمثال إذا كان المطلوب هو عمل 10 غرز من غرزة البليسيه(1عدل , 1 مقلوب) إذن هنبدأ بطريقة الذيل الطويل المتبادلة كالتالى
طبعا هنبدأ بعمل عقدة البداية مع ترك ذيل طويل من الخيط كما شرحنا سابقا ثم ( هنبدا الغرزة التالية بطريقة الذيل الطويل ثم هنبدأ الغرزة التالية بطريقة الذيل الطويل المعكوسة ) و هنكرر مابين الأقواس حتى نكمل 10 غرز
الرئيسية 
البوابة 
