أنواع الأطفال..

نستعرض معكم أنواع الأطفال....

الطفل المفهي ....

هو طفل مايدري وين الله حاطه ...
أي شي تقوله له.... يرد عليك ويقول هاااااااااااه

مستقبله :-

هذا النوع من ألاطفال مستقبله غير واضح المعالم ...
لكن مااراح يتعدى الروضه وراح يستمر مفهي وهذا الأغلب ..
أو يتعرض لصدمه تخليه يطلع من فهاوته شوي ..

الطفل الجنتل ....

غالبا يكون ضخم البنيه ..تشوفه دايم متكشخ ويتروش كل يوم ويتعطر ..
لسانه معسول وهالشي مخليه مخفق كل بنات الحاره ..

مستقبله :-

يكون من اكبر المرقمين في ديرتهم ويكون اسمه
في البلاك ليست للهيئه ....

ولـد امه ..... ( دلع ) ....

غالباً مايكون تربية عجز .. مدلع حتى اخر قطره ..
لكنه للأسف سريع البكاء لو تقول له كيف الحال قعد يبكي ..

مستقبله :-

يستمر مايع ( ايس كريم ) الين يتزوج ويصير خاتم في اصبع حرمته

فتوة الحـــاره ....

هو البزر الذي دائما يشوف نفسه مافيه اقوى منه ..
وهو ماعنده ماعند جدتي يكون عرضه للتصفيق والتكفيخ
نظراً للهيمنه اللي مسويه لنفسه وهو فشوش..

مستقبله :-

يستمر في الوهم للأبد وقد يفقد حياته بسبب التصفيق له من اولاد الحاره ..

الطفل العصبي ....

هذا الطفل نارٍ شابه على قولتهم معصب 24 ساعه...
يستحسن أن يكتب لوحه ويحطها بالقرب منه ( خطر )

مستقبله :-

الضغط والسكري والقلب بسبب هالعصبيه..
أو في السجن لأنه فقع عين احد ولا ذابح له واحد ..

الطفل الملقوف .....

الطفل هذا عكوز بكوز في كل مكان مركوز ...
لا تستبعد ان تجده في أي مكان...

مستقبله :-

بيجيب العيد وماظنتي بيصير له مستقبل ..

الطفل الذكي ......

هذا الطفل دائما متفوق في دراسته دائما يحب يتعلم ويتثقف..
هالعينه نادره طبعاً ...

مستقبله :-

دكتور .. مهندس ..أو أخرته مصكوك بعين .. والله اعلم

الطفل الخطير ( المتميلح ) ....

هذا النوع خطير جداً ودايم يجيب المصايب ..
وهو من النوع اللي مايهرول عبث ..

مستقبله :-

مؤكــــد بيجيب العيد والمصايب وحده ورى الثانيه

الطفل سيء الحظ ( المقرود )....

هذا النوع من الأطفال اقل مايقال عنه...
انه مسكين حظه يفلق الصخر ...

مستقبله :-

ما راح يقدر يشوف المستقبل لأنه ظلاااااااام

طفل مدمن ...

مدمن تلفزيون أو في روايه بزر دلخ...
ساعه عند التلفزيون ويتأثر بسرعه ..
و على طول أي شي يشوفه يروح يسويه

مستقبله :-

بطل كومبارس ...
كله مضروب على عينه ...

طفل سليط اللسان....

هذا عاد لا يستحي ولا يخجل من حد
واللي في قلبه على لسانه
مدمن مسلسلات مصريه..

مستقبله:-

معلق رياضي على لعبة كريكت.

طفل رومنسي ....

حساس ... وكل يوم له وحده يحبها ..

مستقبله :-

تحصله مع قيس ولبنه ومن منتدى لمنتدى

طفل رايق ..... .

ومن زود الروقان عنده تشوف عليه احيانا حركات غريبه..

مستقبله :-

مستقبل زاهر إن شاء الله ..

الطفل الضايع ... .

الطفل اللي ما تدري وش يبقا ....

ما تعرف له ....مره تقول إنه ذيب..
و مره تقول إنه نعامه..

مستقبله :-

ياأنه يطلع ذيب أو يطلع نعامه وهذا المتوقع ...

طفل أختلف العلماء في تسميته .....

هم احتاروا ..قالوا يا فنان يا زنان..

مستقبله :-

يا في صالة افراح يسخن الطبول..
يا لقاط كور في ملعب حواري

منقول

» أنواع الشوربات
» أنواع الحبال
» أنواع الموظفين
» أنواع المعادن
» أغرب أنواع "الفوبيا"